Qur’on - dardga shifodir. Alloh taolo bunday marhamat qiladi: "(Biz) Qur’ondan mo‘minlar uchun shifo va rahmat bo‘lgan (oyat)larni nozil qilurmiz" (Isro surasi, 82-oyat). 

Savol: Nega Alloh taolo "shifo va rahmat" dedi, "rahmat va shifo" demadi?
Javob: Muhammad Mutavalliy Sha’roviy rahimahulloh bunday deydilar: Bu juda nozik ilohiy hikmatdir!

Shifo - kasallik bor bo‘lganidan keyin keladi.
Rahmat - esa kasallikni boshidanoq oldini olishdir.
Payg‘ambarimiz sollallohu alayhi vasallam risolat olib kelgan paytda insonlar “kasal” edi - zalolat, shirk va kufr ichida edilar. Shuning uchun Qur’on avval shifo bo‘lib keldi - dardni davolash uchun.
So‘ng: Ular shirkdan tuzalganidan keyin rahmat keldi - yaxshi, saodatli hayot sifatida.

Qoida: Zararni daf qilish manfaatni jalb qilishdan oldin turadi.
Shuning uchun: Avval - shifo (kasallikni davolash). So‘ng - rahmat (baxtli hayot).
Qur’on esa har bir zamonda insoniyat uchun doimiy “dorixona” bo‘lib qoladi!

Homidjon qori ISHMATBЕKOV