Halqaro musobaqada o'zbekistonlik qori qatnashmoqda
Shu yil 8-10 noyabr' kunlari Rossiya Federatsiyasining Moskva shahrida “XXI Moskva Halqaro Qur'oni karim tilovati” musobaqasi o'tkaziladi.
Mazkur musobaqada qatnashish uchun Rossiya poytaxtiga Yaqin Sharq, Afrika, Markaziy va Janubi-Sharqiy Osiyoning 30 ta davlatidan eng kuchli qorilar etib kelgan. Ular Qur'oni karimni yoddan o'qib berish va tajvid qoidasi asosida chiroyli tilovat qilish yo'nalishlarida o'zaro bellashadi.
Tanlovning asosiy qismi 8-9 noyabr' kunlari Rossiya Federatsiyasidagi Moskva jome masjidida (Viepolzov ko'chasi, 7) bo'lib o'tadi.
Eng yaxshi hofiz 10 noyabr' kuni soat 18:00 da “Kosmos” mehmonxonasida XXI Moskva xalqaro qiroat tanlovining yopilish marosimida chiqish qiladi. Unda Rossiya Federatsiyasi musulmonlari diniy boshqarmasi raisi, muftiy, Shayx Ravil Gaynutdin va Islom olami davlatlaridan kelgan faxriy mehmonlar qatnashadi.
Mazkur musobaqada Toshkent islom instituti bitiruvchisi Habibulloh qori Olimjonov O'zbekiston vakili sifatida ishtirok etadi.
Alloh taolo Vatanimiz sha'nini himoya qilayotgan Habibulloh qoriga ulkan zafar va muvaffaqiyatlar ato etsin!
O'zbekiston musulmonlari idorasi
Matbuot xizmati
Agar bolam tuzalib ketsa...
Savol: Farzandim davolanish uchun xorijga ketgan edi. Men agar bolam tuzalib kelsa, tilla taqinchoqlarimni sadaqa qilaman, deb nazr qilgan edim. Alhamdulillah, tuzalib keldi. Sadaqa qilaman, deb tursam, qaynonam, taqinchoqlaringiz toza tilladan, uni menga soting va pulini sadaqa qilaverasiz, deb talab qilmoqda. Nima qilsam, to‘g‘ri ish qilgan bo‘laman?
Javob: Bismillahir Rohmanir Rohiym. Mazhabimizda zakot, fitr sadaqasi, ushr va nazr kabi vojib sadaqalarda, ularning qiymatini berish mumkin. Shu bois siz ham tillangizning o‘zini yoki sotib, pulini sadaqa qilsangiz ham bo‘ladi. Faqat sotishda, bozordagi narxi e’tiborga olinadi. Undan kam narxga sotish mumkin emas.
Kam narxga sotsangiz, tafovutini o‘zingizdan qo‘shib sadaqa qilishingiz lozim bo‘ladi. Masalan, tilla taqinchoqlaringiz narxi nazrni ado qilish kunlarida bozorda 10 million so‘m bo‘lsa, lekin tanishim yoki yaqin insonim deb, 8 millionga sotsangiz, yoniga 2 million qo‘shib, sadaqa qilasiz va shu bilan nazringizdan qutilasiz. Vallohu a’lam.
O‘zbekiston musulmonlari idorasi
Fatvo markazi