19 fevral' kuni Qoraqalpog'iston Respublikasi Adliya vazirligi Mo'ynoq tumani “Qazaqdarya” ovul fuqorolar yig'ini hududidagi “Qoraqum eshon” jome masjidini davlat ro'yxatidan o'tkazdi.

Shu munosabat bilan ushbu masjidda o'tkazilgan tadbirda Qoraqalpog'iston musulmanlari qoziyoti qozisi Shamsuddin Bahouddinov, Respublikaning Adliya vazirligi vakillari va namozxonlar ishtirok etdi.

Tadbirda qozi Shamsuddin domla Bahouddinov ishtirokchilarga yurtimizda
diniy sohadagi amalga oshirilayotgan islohotlar, obod bo'layotgan masjid va madrasalar haqida so'zlab berdi, ushbu masjid qurilishiga yaqindan yordam bergan barcha insonlarga tashakkur bildirdi. Yig'ilish davomida masjid xodimlariga jomening davlat ro'yxatidan o'tgani haqidagi guvohnoma topshirildi.

Shundan so'ng masjidda juma namozi o'qildi. Qur'oni karim xatm qilinib, “Qoraqum eshon” madrasasining asoschisi marhum Qutlixo'ja bobo va boshqa ulamolar, ushbu masjidga hissa qo'shgan kishilar haqiga duoi xayrlar qilindi.

“Qoraqum eshon” jome masjidi Respublika markazidan uzoqda Mo'ynoq tumanidagi olis “Qazaq darya” ovul fuqarolar yig'ini hududida joylashgan.
Mahalliy hokimiyat tomonidan aholi murojaatga binoan masjid qurish uchun “Qozoqdaryo” ovul fuqarolar yig'ini hududidan er maydoni ajratilgan edi. Bir yil ichida mahalliy aholi va saxovatpesha tadbirkorlar ko'magida namozxonlar uchun barcha qulaylilarga ega bo'lgan jome qurib bitkazildi. Masjidga o'z davrining ma'naviyat va ma'rifat markazi bo'lgan «Qoraqum eshon» madrasasining nomi berildi.

Ma'lumot uchun, «Qoraqum» madrasasi HIH asrning o'rtasi va ikkinchi yarmida Qoraqalpog'istonning diniy, ma'rifiy va tasavvuf markazi “Qoraqum” masjid-madrasasi bo'lgan, unda HIH asr oxri va HH asrning boshida qoraqalpoq xalqining ko'plab farzandlari ta'lim olgan, shulardan qoraqalpoq xalqining mumtoz shoirlari Berdaq, Kunxojalar ta'lim olgan.

Alloh taolo ushbu masjidning mo'min-musulmon xalqimizga qiyomatga qadar xizmat qilishini nasib qilsin.

O'zbekiston musulmonlari idorasi matbuot xizmati