O'zining aziz kitobida “So'ngra kitobni bandalarimizdan tanlab olganlarimizga meros qildik” deya marhamat qilgan Alloh taologa hamdlar bo'lsin.

O'zlarinig muborak hadisi shariflarida “Qur'on ahli Jannat ahlining oriflaridir” deya marhamat qilgan sayyidimiz, habibimiz, nabiyyimiz Muhammad sollallohu alayhi vasallamga salom va salovatlarimiz bo'lsin.

Joriy yilning 13 fevral' kuni Imom Buxoriy nomidagi Toshkent islom institutida ayol-qizlar o'rtasida Qur'oni Karim musobaqasi bo'lib o'tdi.

Musobaqa 3 yo'nalishda o'tkazildi:

1.Hifz: 30 pora yod olganlar o'rtasida;

2.Hifz: 10 pora yod olganlar o'rtasida;

3.Tilovat.

Qur'oni Karim musobaqasini 2018 yilgi Respublika Qorilar musobaqasi tilovat yo'nalishi g'olibasi Qur'on tilovati bilan boshlab berdi. Shundan so'ng bilim yurti rektori U.G'afurov musobaqani ochib berdilar.

TII rektori U.G'afurov boshchiligidagi hakamlar Jahongir qori Ne'matov, Ahmadxon qori Rashidov, Valixon qori Azimbayev va Jahongir qori Ubaydullohlar ishtirokchilarni baholab bordilar.

O'z yo'nalishlari bo'yicha g'oliblikni qo'lga kiritgan ishtirokchilarga bilim yurti rahbariyati tomonida diplom va qimmatbaho esdallik sovg'alar topshirildi.

G'oliblar:

1.Hifz yo'nalishi: 30 pora:

Birinchi o'rin – Raimkulova Bibixadicha;

Ikkinchi o'rin – Mirahmadova Husnora;

2.Hifz yo'nalishi: 10 pora:

Birinchi o'rin – Juraboyeva Mohigul

Ikkinchi o'rin – Abdullayeva Robiya

Uchinchi o'rin -Kadirkulova Risolat

3.Tilovat yo'naliishi:

Birinchi o'rin –  Norxo'jayeva Nilufar

Ikkinchi o'rin –  O'rinova Lutfiya

 Uchinchi o'rin – Azizova Zilola

TII Matbuot xizmati