Bu haqda 26 yanvar' kuni Dog'iston muftiysi shayx Ahmad Afandi O'zbekiston Respublikasining Rostov-Dondagi Bosh konsuli Rustam Qo'rg'onboyev bilan uchrashuvda aytib o'tdi.
Muftiyat matbuot xizmati xabariga ko'ra, yig'ilishda Dog'iston Respublikasi Milliy siyosat va diniy ishlar vaziri vazifasini vaqtinchalik bajaruvchi Enrik Muslimov ham ishtirok etdi.
Suhbat chog'ida R. Qo'rg'onboyev Dog'istonga tashrifidan maqsad, avvalo, ziyorat turizmi sohasidagi hamkorlikni mustahkamlashdan iborat ekanini ta'kidladi.
Bosh konsul Dog'iston tomoniga fevral' oyi oxirida O'zbekiston ziyorat va turistik salohiyatini taqdim etish uchun respublikada maydoncha tashkil qilish imkoniyatini ko'rib chiqishni taklif qildi. Shayx Ahmad Afandi, o'z navbatida, ziyorat turizmini rivojlantirish zarurligi g'oyasini qo'llab-quvvatladi.
Agar uning tashabbusiga qiziqish bildirilsa, Dog'iston va Checheniston musulmonlari uchun yoz boshida Maxachqal'a – Toshkent yo'nalishi bo'yicha charter reyslarini yo'lga qo'yish rejalashtirilgan.
Dog'iston muftiysi ziyorat turizmini rivojlantirish zarurligi haqidagi g'oyani qo'llab-quvvatladi va tez orada davlatlarimizda koronavirus tufayli o'z-o'zini izolyatsiya qilish rejimining zaiflashuvi yuz berishiga umid bildirdi.
"Bugungi kunda Dog'istonda so'fiylik keng tarqalgan. Bu ta'limot O'zbekistondan keladi. Sizlarda bunday g'oya paydo bo'lgani uchun Allohga rahmatlar aytamiz. Har tomonlama qo'llab - quvvatlaymiz", - deya ta'kidladi Dog'iston muftiysi.
Milliy siyosat bo'yicha vazir vazifasini bajaruvchi Enrik Muslimov Rossiya va O'zbekiston xalqaro darajada juda yaxshi aloqalarga ega ekanini eslatdi.
Shuningdek, O'zbekiston konsuli boshqa amaldorlar hamrohligida Iso Payg'ambar nomidagi Ma'naviyat markazi va Maxachqal'a Markaziy Juma masjidiga tashrif buyurgani qayd etilgan.
O'zbekiston musulmonlari idorasi matbuot xizmati
Sog‘lom, baquvvat, epchil va abjir kishi har doim qardlangan. Shunday kishilarning ko‘p bo‘lishi natijasida jamiyat sog‘lom bo‘ladi.
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbuslari bilan diniy soha xodimlari o‘rtasida «Sog‘ tanda – sog‘lom aql» shiori ostida sportning voleybol, stol tennisi, shaxmat-shashka turlari bo‘yicha musobaqa bo‘lib o‘tyapti.
Bugun, 27 yanvar kuni Toshkent viloyatida imom-xatiblar jismoniy faolligini oshirishga qaratilgan stol tennisi musobaqasi yuqori saviyada, uyushqoqlik bilan o‘tkazildi.
Diniy soha xodimlari Rasululloh sollallohu alayhi vasallamning «Kuchli mo‘min kuchsiz mo‘mindan ko‘ra Allohga yaxshiroq va sevimliroqdir» degan muborak hadislarini amalda isbotladilar.
Tabiiyki, musobaqada kimdir g‘olib, kimdir esa mag‘lub bo‘ladi.
Hakam hay’ati a’olarining xulosalariga ko‘ra:
1-o‘rinni Abufayz domla Husanboyev
(Bo‘stonliq tumani “Toli buva” imom noibi);
2-o‘rinni Botirjon domla Abdug‘aniyev
(Bekobod tumani “Amirov Dadaxon” jome masjidi imom-xatibi);
3-o‘rinni Husan domla Haydarov
(Ohangaron tumani “Quraysh” jome masjidi imom noibi) qo‘lga kiritdi.
G‘oliblarga sovg‘alar ulashildi.
Toshkent viloyati vakilligi
Matbuot xizmati