Bu haqda 26 yanvar' kuni Dog'iston muftiysi shayx Ahmad Afandi O'zbekiston Respublikasining Rostov-Dondagi Bosh konsuli Rustam Qo'rg'onboyev bilan uchrashuvda aytib o'tdi.
Muftiyat matbuot xizmati xabariga ko'ra, yig'ilishda Dog'iston Respublikasi Milliy siyosat va diniy ishlar vaziri vazifasini vaqtinchalik bajaruvchi Enrik Muslimov ham ishtirok etdi.
Suhbat chog'ida R. Qo'rg'onboyev Dog'istonga tashrifidan maqsad, avvalo, ziyorat turizmi sohasidagi hamkorlikni mustahkamlashdan iborat ekanini ta'kidladi.
Bosh konsul Dog'iston tomoniga fevral' oyi oxirida O'zbekiston ziyorat va turistik salohiyatini taqdim etish uchun respublikada maydoncha tashkil qilish imkoniyatini ko'rib chiqishni taklif qildi. Shayx Ahmad Afandi, o'z navbatida, ziyorat turizmini rivojlantirish zarurligi g'oyasini qo'llab-quvvatladi.
Agar uning tashabbusiga qiziqish bildirilsa, Dog'iston va Checheniston musulmonlari uchun yoz boshida Maxachqal'a – Toshkent yo'nalishi bo'yicha charter reyslarini yo'lga qo'yish rejalashtirilgan.
Dog'iston muftiysi ziyorat turizmini rivojlantirish zarurligi haqidagi g'oyani qo'llab-quvvatladi va tez orada davlatlarimizda koronavirus tufayli o'z-o'zini izolyatsiya qilish rejimining zaiflashuvi yuz berishiga umid bildirdi.
"Bugungi kunda Dog'istonda so'fiylik keng tarqalgan. Bu ta'limot O'zbekistondan keladi. Sizlarda bunday g'oya paydo bo'lgani uchun Allohga rahmatlar aytamiz. Har tomonlama qo'llab - quvvatlaymiz", - deya ta'kidladi Dog'iston muftiysi.
Milliy siyosat bo'yicha vazir vazifasini bajaruvchi Enrik Muslimov Rossiya va O'zbekiston xalqaro darajada juda yaxshi aloqalarga ega ekanini eslatdi.
Shuningdek, O'zbekiston konsuli boshqa amaldorlar hamrohligida Iso Payg'ambar nomidagi Ma'naviyat markazi va Maxachqal'a Markaziy Juma masjidiga tashrif buyurgani qayd etilgan.
O'zbekiston musulmonlari idorasi matbuot xizmati
Joriy yilning 5 iyul kuni O‘zbekiston musulmonlari idorasi hamda Din ishlari bo‘yicha qo‘mita hamkorligida o‘tkazilib kelinayotgan namunaviy-amaliy tadbirning navbatdagisi Bandixon tumanida o‘tkazildi.
O‘zbekiston musulmonlari idorasi Surxondaryo viloyati vakili o‘rinbosari Abduxalil domla Abdunazarov boshchiligida o‘tkazilgan tadbirga Surxondaryo viloyati vakilligi rahbariyati, tuman bosh imom-xatiblari hamda otinoyilari, shuningdek, Bandixon tumanidagi masjid imom-xatiblari, noiblari, otinoyilar, Haj-2024 ziyoratchilari va mahalla raislari taklif qilinib ular ishtirokida ishchi guruh tuzildi.
Ishchi guruh a’zolari tomonidan tumanda yot g‘oyalar ta’siriga moyil bo‘lganlar, jazo muddatini o‘tayotganlarning oila a’zolari, jazo muddatini o‘tab qaytganlar, muqaddam sudlanganlar, nogiron va kasalmand, ehtiyojmand fuqarolar, shuningdek tabarruk yoshdagi qariyalar yashaydigan umumiy hisobda 30 ta oilaga kirib, ma’naviy-ma’rifiy targ‘ibot hamda amaliy yordam tadbirlarini olib bordilar
So‘ng ishchi guruh a’zolari o‘zlariga biriktirilgan masjidlarda peshin namozini ado qilib, yig‘ilgan qavmga “Yurtimizda bo‘layotgan xayrli ishlar”, “Mehr-oqibat va shukronalik fazilati”, “Tinchlik va osoyishtalik qadri” va “Masjidlarni obod qilish” kabi dolzarb mavzularda ma’ruza qilinib, bir yuz o‘ttiz besh nafardan ortiq namozxon qamrab olindi.
Tadbir so‘ngida amalga oshirilgan ishlar tahlil qilinib, Bandixon tumani imom-xatiblarining ma’naviy-ma’rifiy hamda masjid boshqaruvidagi faoliyatida kuzatilgan kamchiliklarni bartaraf etish yuzasidan ko‘rsatma va tavsiyalar berildi.
Surxondaryo viloyati tumanlar imom-xatiblari ish samaradorligini oshirishga qaratilgan Ishchi guruhning faoliyati davom etadi.
O‘zbekiston musulmonlari idorasi
Surxondaryo viloyati vakilligi
matbuot xizmati