«Masjidul Nabaviyda noyob qo'lyozmalarning doimiy ko'rgazmasi» tadbirining ochilish marosimiga so'nggi bosqich tayyorgarlik jarayoni olib borilmoqda. Bu haqda al ektisadiye sayti xabar berdi.

Unda Masjidul Harom va Masjidul Nabaviy payg'ambar collallohu alayhi vasallamga oid ma'lumotlar e'lon qilinadi. Shuningdek, qadimgi islomiy merosni hujjatlashtirishdan tashqari, Islom dini durdonalari hamda avlodlar uchun arab va Islom g'oyalari aks ettiriladi.

Haramayn va Sharifayn ma'muriyati Masjidul Harom va Masjidul Nabaviyning vakillari bilan o'zaro anglashinuv memorandumida Madinaga mamlakat ichkarisidan va tashqarisidan tashrif buyurishi mumkin bo'lgan ziyoratchilar uchun boshqa ilmiy dasturlarni tayyorladi. Olimlar va mutaxassislarga qo'lyozmalarning butun arab tarixidagi rolini tushuntirib beradigan foydali ma'lumotlar beriladi.

Payg'ambar sollallohu alayhi vasallamning masjidlaridagi nodir qo'lyozmalarning doimiy ko'rgazmasi ikki muqaddas masjid tarixini yig'ish uchun dastlabki kontekst bo'lib xizmat qiladi. Jumladan, Payg'ambar sollallohu alayhi vasallamning sunnatlari, Islom tarixi va turli davrlarda yozilgan Qur'on qo'lyozmalari namoyish etiladi.

Hurshid Ma'ruf tayyorladi

islom.uz