Vatandoshlar bilan uchrashuvlar tashkil etilmoqda
O'zbekiston Respublikasi Tashqi mehnat migratsiyasi agentligi, Din ishlari bo'yicha qo'mita hamda O'zbekiston musulmonlari idorasi hamkorligida shu kunlarda mutaxassislardan iborat ishchi guruh Janubiy Koreya Respublikasida bo'lib turibdi.
Ishchi guruh a'zolari orasida Toshkent shahar bosh imom-xatibi Abduqahhor domla Yunusov ham bor.
Ishchi guruh a'zolari Inchon shahridagi sanoat zonasida vaqtincha mehnat faoliyatini amalga oshiryotgan yurtdoshlarimiz, ish beruvchilar bilan uchrashib, ularning ish va yashash sharoitlarini o'rgandi.
Shuningdek, yurtdoshlarimiz bilan muloqot davomida ularni qiziqtirgan savollarga javob berilib, turli yot g'oyalar ta'siriga tushib qolmaslik bo'yicha tavsiyalar berildi.
Safar davom etadi.
.jpg)
.jpg)
O'zbekiston musulmonlari idorasi
Matbuot xizmati
Sietl shahri 1 sentyabrni “O‘zbekiston Mustaqilligi kuni” deb e’lon qildi
AQSHning Sietl shahri meri Keti B. Uilson 2026 yil 1 sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.
Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.
Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.
Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investitsiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.
Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.
https://t.me/Rasmiy_axborot_official
