Yangi Zelandiyaning Messi universiteti tomonidan har yili yilning eng kuchli iqtibos va bayonotlari  aniqlanadi. 

2020 yildagi eng kuchli bayonot uchun mukofot yangi zelandiyalik musulmon ayol Sara Abdulfattohga topshirildi. Saraning otasi Qosim Abdulfattoh 2019 yil mart oyida Kraystcherch shahridagi “Nur” masjidida islomofob Brenton Tarrant tomonidan amalga oshirilgan terrorchilik harakatlari qurboni bo'lgan. 2020 yil bo'lib o'tgan sudda Sara ham qatnashdi va so'z berilganda yig'lab yubordi. Sara so'zlayotgan vaqtda his-tuyg'uga berilib, qotilga: "Bilingki, bu ko'z yoshlar siz uchun emas", degan. 

Hayajonga to'la bu so'zlar ommaviy axborot vositalarida keng muhokamalarga sabab bo'ldi. Ko'plab insonlar Saraga hamdardlik bildirdi. Musulmon ayol nufuzli tanlovda o'zi bilmagan holda  g'olib chiqqaniga hayron bo'lib: "Sud jarayonida ishtirok etish va so'zga chiqish men uchun qiyin ishlardan biri edi", deya ta'kidlagan.

azon.uz