“To'qmoq ota” jome masjidi yangi imorati foydalanishga topshirildi
28.11.2020
2441
4 min.
O'zbekiston Respublikasi Prezidenti Shavkat Mirziyoevning tashabbusi bilan Mo'ynoq tumanini rivojlantirish, aholining bandligini ta'minlash, investitsiya loyihalarini amalga oshirish, Orol muammosini salbiy tasirini yumshatish va boshqa bir qator ishlarni amalga oshirish bo'yicha topshiriqlar berilgan edi.
Mo'ynoq shahri yangidan qurilmoqda, shahar ekologik muammoli davrlarni engib o'tish bilan birga zamonaviy ko'rinishga ega bo'lmoqda. Shahar tarixidagi yangi davrni to'la namoyon etadigan tipdagi imoratlar qurilib, shahar ko'rkiga ko'rk ko'shmoqda.
Yurtboshimizning topshirig'i bilan diniy ta'lim tizimi rivojlanib, ilmiy-o'quv markazlari soni va sifati ortmoqda. Jumladan, Buxoroda «Mir arab oliy madrasasi», Samarqandda Imom Buxoriy ilmiy markazida «Hadisshunoslik» maktabi, Imom Moturudiy markazi yonida «Kalom» ilmi, Farg'onadagi Marg'inoniy ilmiy markazida «Islom huquqi» maktabi, Buxoroda Bahouddin Naqshband markazida «Tasavvuf», Qashqadaryoda Abu Mo''in Nasafiy markazida «Aqida» ilmi maktablari fa'oliyat ko'rsata boshladi.
Ushbu imkoniyatlardan unumli foydalanib, Mo'ynoq tumanidagi ijobiy o'zgarishlarga hissa qo'shish maqsadida tumandagi “To'qmoq ota” jome masjidi imoratini qayta qurish ishlari boshlangan edi.
Joriy yilning 27-noyabr' kuni “To'qmoq ota” jome masjidining yangi imoratini ochish marosimi bo'ldi. Unda Qoraqalpog'iston Respublikasi Joqarg'ie Kengesi Boshlig'i M.Kamalov, Qoraqalpog'iston Respublikasi Vazirlar Kengashi Raisi o'rinbosari Ye.Durdiyev, Qoraqalpog'iston musulmonlari qoziyoti qozisi Sh.Bauatdinov, imom-xatiblar, tuman fa'ollari va nuroniylar ishtirok etdi.
Masjid qurish qanchalik savobli ish ekanligi barcha uchun ma'lum. Qurilish ishlari 2019-yil aprel' oyida boshlandi. Sahovatli insonlarning ko'magi bilan bir yarim yilda qurib bitkazilib, foydalanishga topshirildi.
Tadbir davomida masjidning qurilish-remont va obodonlashtirish ishlarida yaqindan yordam bergan quruvchilarga Qoraqalpog'iston musulmonlari qoziyoti tomonidan tashakkur bildirildi va birinchi juma namozi o'qildi.
Alloh taolo «To'qmoq ota» jome masjidi qurilish ishlarida qo'l ko'magini bergan, moliyaviy yordam bergan barcha insonlardan O'zi rozi bo'lsin.
Qoraqalpog'iston musulmonlari qoziyoti.
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
