Bir savol so'rasam: Surani noto'g'ri talaffuz qilish namozga putur etkazadi-mi?
— Namozdagi duolarning bitta so'zini yoki biror harfini noto'g'ri o'qisa yoki talaffuz qilsa ham ma'nosi o'zgarib ketadi, deyishadi. Agar shunday xatolar bilan namoz o'qisak, namoz buzilgan bo'ladi-mi? Qabul bo'lmaydi-mi? Ko'nglimizda shunday shubha bo'lsa, nima qilish kerak? Birovlar sahv sajdasini o'qish kerak deydi. Shu haqda ma'lumot bersangiz.
— Musulmon shaxs hayotining barcha sohalarida doimiy ravishda barkamollikka erishish harakatida bo'ladi. Shuningdek, namoz kabi amallarda ham kechasidan buguni yaxshi bo'lishiga urinadi. Siz aytgan holatlarda ham namozning qiroati, duolari va amallarini to'liq qilishga intiladi.
Demak, imkon boricha to'g'ri o'qishga harakat qilishi lozim bo'ladi. Ammo bir harfini qoldirsa, namozi durust bo'lmaydi, deyilgani qiroat haqidadir, duolar borasida bunchalik emas. Nima bo'lganda ham, xatolarni to'g'rilashga va xatosiz o'qishga intilish darkor. Ibodatni albatta, meniki qabul bo'ladi, degan ishonch bilan qilish kerak. Sahv sajdasi shart bo'lmaydi.
Muhammad Ayyub HOMIDOV
Prezident 35 yillik mustaqillik arafasida 852 nafar mahkumni afv etdi
Prezident Shavkat Mirziyoyev O‘zbekiston mustaqilligining 35 yilligi munosabati bilan 852 nafar jazo o‘tayotgan shaxsni afv etish to‘g‘risidagi farmonni imzoladi. Afv etilganlar orasida 7 nafar xorij fuqarosi, 375 nafar yoshlar, 49 nafar ayol va 60 yoshdan oshgan 37 nafar erkak bor, xabar bermoqda Batafsil.uz.
Afv etilgan 852 nafar shaxsdan 604 nafari jazoni to‘liq o‘tashdan ozod qilinadi. Yana 115 nafar shaxs jazoni o‘tashdan muddatidan ilgari shartli ravishda ozod etiladi.
52 nafar mahkumga tayinlangan jazo yengilroq jazo turiga almashtiriladi. 81 nafar shaxsning ozodlikdan mahrum qilish jazosi muddati esa qisqartiriladi.
Afv etilganlar orasida taqiqlangan tashkilotlar faoliyatida ishtirok etgan 63 nafar shaxs ham bor.
Prezident farmonida afv etishga asos sifatida mahkumlarning qilmishiga pushaymonligi va tuzalish yo‘liga qat’iy o‘tgani ko‘rsatilgan.
"O‘zbekiston 24" telekanali ma’lumotiga ko‘ra, Shavkat Mirziyoyev 2017 yildan buyon 31 ta afv etish to‘g‘risidagi hujjatni imzolagan. Ushbu hujjatlar jami 10 567 nafar jazo o‘tayotgan shaxsni qamrab olgan.
Xususan, Prezident Navro‘z va Ramazon hayiti arafasida ham 392 nafar mahkumni afv etgandi.
O‘zbekiston musulmonlari idorasi Matbuot xizmati
