Ilmning hammasi dunyodir. Oxirat esa unga amal qilishdir. Ixlos bilan qilinganidan boshqa hamma amal behudadir.

Sahl ibn Abdulloh Tustariy

***

Kishining olim bo'lishiga Alloh taolodan qo'rqmog'i, ilmsiz qolishiga esa amaliga mag'rurlanishi kifoya qiladi.

Masruq

***

Badbaxtning nishonasi besh narsadir: ko'ngli qattiq bo'lmoq, ko'zi yoshsiz bo'lmoq, besharm va behayo bo'lmoq, dunyoga moyil bo'lmoq, umidsiz bo'lmoq.

Fuzayl ibn Iyoz

***

Fosiqdan hayo tilama, zolimdan – vafo.

Alisher Navoiy

***

Ko'zni ayollarga tikishdan, ularning suratlarini tomosha qilishdan tiymoq kerak. Aqlning so'nishiga, hayo pardasining yirtilishiga va eng muhimi, ibodatning «mazasi» yo'qolishiga asosiy sabab ana shudir.

Muhammad Nurulloh Saydo Jazariy

***

Ilm, hikmat o'rgangin, bo'lma mag'rur,

Maqtanchoqni sharmandasi chiqdi, ko'r.

Mahmud Koshg'ariy

***

Qanchalik go'zal deb hisoblamang, ayolni pardozdan keyin tomosha kilgan ma'qul.

Ayol adabiyotning o'ta bilimdoni bo'lishi shart emas, ammo u nozik did egasi bo'lishi shart.

Chjan Chao

***

Kimning ko'ziga faqat o'z yaxshiliklari ko'rinsa, u odamlar nafratiga ­mubtalo bo'ladi, agar faqat o'z yomonliklari ko'rinsa, odamlar nafratidan emin bo'ladi. 

Mahfuz Muhammad

Manbalar asosida Saidabror Umarov tayyorladi