Sayt test holatida ishlamoqda!
04 Oktabr, 2025   |   12 Rabi`us soni, 1447
search icon
Avvalgi sayt
ЎЗ РУ EN AR

Toshkent shahri
Tong
05:05
Quyosh
06:23
Peshin
12:17
Asr
16:15
Shom
18:04
Xufton
19:16
Bismillah
04 Oktabr, 2025, 12 Rabi`us soni, 1447
Avvalgi sayt
#search
 YouTube

Malayziya bilan ziyorat turizmi bo'yicha hamkorlik ko'chayadi

26.11.2020   2476   2 min.
Malayziya bilan ziyorat turizmi bo'yicha hamkorlik ko'chayadi

O'zbekiston elchisi Ravshan Usmanov Malayziya turizm, san'at va madaniyat vazirligi huzuridagi Islom turizmi markazi (Islamic Tourism Centre - ITC) Bosh direktori Mohmed Razip Hoji Hasan bilan uchrashuv o'tkazdi. Bu haqda “Dunyo” axborot agentligi xabar bermoqda.

Muloqot chog'ida sayyohlik sohasida ikki tomonlama hamkorlikni rivojlantirish istiqbollari, O'zbekistonning boy madaniy-tarixiy merosi, mintaqalarining ziyorat turizmi uchun noyob va ulkan salohiyati haqida ma'lumot berildi.

Mohmed Razip Hoji Hasanning aytishicha, O'zbekiston malayziyalik sayyohlar uchun jozibador manzil sifatida ko'p davlatlardan ustunlikka ega. Shu bois dunyodagi pandemiya bilan bog'liq vaziyatni hisobga olgan holda mamlakatimizning sayyohlik jozibadorligini Malayziya jamoatchiligi orasida targ'ib qilish chora-tadbirlarini ko'rishini ta'kidladi.

Uchrashuv yakunida ITM va Davlat turizm qo'mitasi o'rtasida anglashuv memorandumi imzolash va Buxoro viloyatida turizmni rivojlantirish departmenti vakillari o'rtasida videoanjuman o'tkazish yuzasidan bir qancha kelishuvlarga erishildi.

Shuningdek, mamlakatimizda turizm soha vakillari uchun “ziyorat turizmi”, “muslim friendly” va “halal tourism” standartlarini rivojlantirish masalalari bo'yicha bir qator vebinar va gidlar malakasini oshirish uchun malay tili kurslarini tashkil etish rejalashtirilgan.

Ma'lumot uchun, Islom turizmi markazi (ITM) Malayziyada ziyorat turizmini rivojlantirish bo'yicha asosiy muvofiqlashtiruvchi idora sifatida faoliyat yuritadi. Uni tegishli vazirlik, idora va oliy o'quv yurtlari vakillari, turizm va mehmondo'stlik sohasi bo'yicha etakchi mutaxassislarni o'z ichiga olgan direktorlar Kengashi amalga oshiradi.

ITM tadqiqot olib boradi, Malayziyada sanoatni barqaror rivojlantirish uchun turizm siyosati bo'yicha takliflarni rasmiylashtiradi, musulmon bozoriga qaratilgan turistik paket va yo'nalishni tayyorlash bo'yicha seminarlar tashkil etadi va turoperatorlar bilan birga musulmon turistlarning ehtiyojlarini qondirish uchun alohida mahsulotlar yaratadi.

 

O'zbekiston musulmonlari idorasi Matbuot xizmati

Dunyo yangiliklari
Boshqa maqolalar

Salomlashganda bajariladigan sunnatlar

30.09.2025   3590   2 min.
Salomlashganda bajariladigan sunnatlar

Bismillahir Rohmanir Rohiym

1. Eng avval salom berish.

Sahobalar roziyallohu anhum Rasululloh sollallohu alayhi vasallamdan “Eng yashi amal qaysi?” deb so‘rashdi. Shunda U zot alayhissalom: “Taom ulashishing hamda tanigan-tanimaganingga salom berishing”, dedilar (Imom Buxoriy, Imom Muslim rivoyati).

Rasululloh sollallohu alayhi vasallamning oldilariga bir kishi keldi va “Assalamu alaykum”, deb salom berdi. U zot unga javob qaytardilar va “O‘nta”, dedilar. Keyin yana bir kishi kelib, “Assalamu alaykum va rohmatulloh”, dedi. U zot unga ham javob qaytardilar va “Yigirmata”, dedilar. So‘ngra yana bir kishi keldi-da, “Assalamu alaykum va rohmatullohi va barokatuh”, dedi. U zot unga javob qaytargach, “O‘ttizta”, dedilar (Imom Abu Dovud rivoyati).

 

2. Ko‘rishgan kishi bilan xayrlashayotganda ham salom berish.

Rasululloh sollallohu alayhi vasallam aytadilar: “Sizlardan birortangiz bir majlisga kelsa, salom bersin, qaytmoqchi bo‘lsa, yana salom bersin. Birinchi salom ikkinchisidan haqli emas” (Imom Abu Dovud, Imom Termiziy rivoyati). Ya’ni, ikkinchi salomning ahamiyati birinchinikidan kam emas.

 

3. Tabassum bilan ro‘baro‘ bo‘lish.

Nabiy sollallohu alayhi vasallam aytadilar: “Yaxshi amaldan biror narsani arzimas sanama, hatto birodaring yuziga ochiq chehra bilan yo‘liqishni ham” (Imom Muslim rivoyati).

 

4. Ikki qo‘l bilan ko‘rishish

“Ikki musulmon bir-birlariga yo‘liqib, qo‘l berib ko‘rishar ekan, ular hali ajralmay turib, albatta, ularning gunohlari mag‘firat qilinadi” (Imom Abu Dovud rivoyati).

 

5. Go‘zal so‘z so‘zlash.

Alloh taolo marhamat qiladi: “odamlarga shirinso‘z bo‘ling...” (Baqara surasi, 83-oyat)

Nabiy sollallohu alayhi vasallam: “Yaxshi so‘z sadaqadir”, deganlar (Imom Buxoriy, Imom Muslim rivoyati).

 

Davron NURMUHAMMAD