Joriy yilning 24 noyabr' kuni O'zbekiston musulmonlari idorasining Namangan viloyat vakili, viloyat bosh imom-xatibi Abdulhay Tursunov va Mahalla va oilani qo'llab-quvvatlash vazirligi Namangan viloyati boshqarmasi boshlig'ining o'rinbosari Ikromxon Najmiddinovlar Chortoq tumaniga tashrif buyurdilar.
Tashrif tumandagi 9-sonli maktabidan boshlandi. Maktabda 100 nafar o'qituvchi va o'quvchilar ishtirokida yig'ilish o'tkazildi. Yig'ilishda Abdulhay Tursunov va Ikromxon Najmiddinovlar “Salomlashish odoblari”, “Ustoz sharafli zot”, “Ota-ona hurmati va e'zozi” hamda “Yoshlikda ilm olishning fazilati” mavzularida ma'ruzalar qildilar.
Tashrif davomida tuman hokimligi bilan hamkorlikda tumandagi nizoli oilalar bilan suhbatlar o'tkazilib, ularga hayotiy misollar asosida tavsiya va ko'rsatmalar berildi.
Shundan so'ng “Bog'” MFY faollari bilan uchrashuv o'tkazildi. 50 nafar aholi vakillari ishtirok etgan uchrashuvda “Jinoyatchilik va huquqbuzarlikning oldini olish”, “Aqidaparastlikning salbiy oqibatlari” mavzusida ma'ruzalar qilindi.
Huddi shunday yig'ilish tumandagi “Yangiobod” MFY faollari ishtirokida ham o'tkazildi. Unda “Yoshlar o'rtasida o'z joniga qasd qilishning oldini olish”, “Giyoxvandlik va OITSning zararlari” mavzusida ma'ruza qilindi.
Viloyat bosh imom-xatibi peshin namozi vaqtida “Zayd ibn Horisa” jome masjidiga tashrif buyurib, namozxonlarga “Yurtimizda diniy sohada olib borilayotgan islohotlar, yoshlar ta'lim-tarbiyasi” mavzularida ma'ruza qilib berdi.
Shuningdek, “Namangan” va “Dilkash” MFYdagi maxsus hisobdan chiqarilgan shaxslar va qidiruvda bo'lgan fuqarolarning oila a'zolari bilan profilaktik suhbatlar o'tkazildi.
Tashrif so'nggida tumanda faoliyat ko'rsatayotgan masjidlar imom-xatib va imom-noiblari ishtirokida yig'ilish o'tkazilib, tavsiya va ko'rsatmalar berildi.




O'zbekiston musulmonlari idorasi
Namangan viloyat vakilligi
Matbuot xizmati
Yaqinlashib kelayotgan muborak Qurbon hayiti ayyomiga munosib tayyorgarlik ko‘rish maqsadida Surxondaryo viloyatidagi barcha qabriston va ziyoratgohlarda umumxalq xayriya hasharlari yuqori uyushqoqlik bilan tashkil etilmoqda.
Mazkur savobli tadbirlarda diniy soha vakillari ham alohida faollik ko‘rsatib, o‘zlarining munosib hissalarini qo‘shmoqdalar.
Joriy yilning 23 may kuni viloyat hokimining o‘rinbosari hamda viloyat bosh imom-xatibi Rasuljon domla Abdullayev Jarqo‘rg‘on tumanidagi “Ma’rifat” mahallasida joylashgan “Mullo Hazrat” qabristoniga tashrif buyurdilar.
Mutasaddilar u yerda olib borilayotgan tozalash va ko‘klamzorlashtirish ishlari jarayoni bilan yaqindan tanishib, hududni yanada tartibga keltirish hamda ziyoratchilar uchun barcha zarur shart-sharoitlarni yaratish bo‘yicha mas’ullarga tegishli tavsiya va ko‘rsatmalarni berdilar.
Bu kabi xayrli hashar tadbirlari ayni paytda viloyatning barcha shahar va tumanlarida qizg‘in davom etmoqda.
O‘zbekiston musulmonlari idorasi
Surxondaryo viloyati vakilligi
Matbuot xizmati