Sayt test holatida ishlamoqda!
18 May, 2025   |   20 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:25
Quyosh
05:02
Peshin
12:24
Asr
17:26
Shom
19:41
Xufton
21:11
Bismillah
18 May, 2025, 20 Zulqa`da, 1446
Avvalgi sayt
#search
 YouTube

Gambiya vaziri: Fuqarolarimiz O'zbekistonda o'qishini istaymiz

18.10.2023   1008   1 min.
Gambiya vaziri: Fuqarolarimiz O'zbekistonda o'qishini istaymiz

Gambiya turizm va madaniyat vaziri Hamat Ngai Kumba Bax “Dunyo” axborot agentligiga 16 oktyabr kuni Samarqandda ochilgan YuNVTO Bosh Assambleyasining yubiley 25 sessiyasi haqidagi fikrlari bilan o'rtoqlashdi:

   – Bunday keng ko'lamli va muhim tadbirda qatnashish imkoniga ega bo'lganimdan juda xursandman. Marokash va Turkiyada transferlarni amalga oshirib, Gambiyadan O'zbekistonga etib borishimiz uchun 24 soat vaqt ketdi. Shahar aeroportini birinchi qo'nganimizdanoq Samarqandning go'zalligi meni hayratda qoldirdi.

 O'zbekistonning rivojlanish sur'atlari bizni mamlakatingiz tajribasini yanada ko'proq o'rganishga undaydi.

YuNVTO Bosh Assambleyasi doirasidagi rejalashtirilgan uchrashuv va muzokaralar chog'ida turizm, sarmoya va ta'lim sohalarida aniq shartnomalar tuzish niyatidamiz. Gambiya fuqarolarimizning O'zbekistonda o'qib, tajriba orttirishini istaydi, chunki mamlakatingiz nafaqat bu sohalarda, balki boshqa sohalarda ham yuksak natijalarga erishgan. Umid qilamanki, kelgusida hamkorligimiz yanada yuqori bosqichga chiqadi.Eslatib o'tamiz, Gambiyada islomga (asosan sunniylar) 95,7% aholi e'tiqod qiladi. Islom dinining tarqalishi 12-13-asrlarda boshlangan. Ba'zi musulmonlar orasida so'fiylik “Tijaniya” tariqati ta'siriga ega. Har yili Gambiyada turli diniy bayramlar o'tkaziladi, ularning sanalari yildan-yilga o'zgarib turadi: hijriy Payg'ambarimiz Muhammad alayhissalomning tavallud kunlari (mavlid bayrami), dushanba, Koriteh (Ramazon oxiri) va Tabaski (qurbonlik bayrami).

 

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Maqolalar

Shu yerda otamni urgan edim

16.05.2025   2776   2 min.
Shu yerda otamni urgan edim

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
 

عَنْ مُسْلِمِ بْنِ عَبْدِ اللهِ الْحَنَفِيِّ قَالَ: بِرَّ وَلَدَكَ فَإِنَّهُ أَجْدَرُ أَنَّ يَبَرَّكَ فَإِنَّ مَنْ شَنَأَ عَقَّهُ وَلَدُهُ

Muslim ibn Abdulloh Hanafiydan rivoyat qilinadi: “Bolangga yaxshilik qil. Shunda u senga yaxshilik qiladi. Kim yomonlik qilsa, bolasi unga oq bo‘ladi”.

Bolang kichikligida sen unga yaxshilik qilib, tarbiyasini va muomalasini yaxshi qilgin, qariganingda u senga yaxshilik qaytaradi. Ammo kim yoshligida farzandiga yomonlik qilib yurgan bo‘lsa, qariganida farzandidan ko‘radi.

Ota-ona o‘zining farzandi oldidagi majburiyat va mas’uliyatini sharaf bilan ado etib qo‘ysa, qariganida albatta qilgan yaxshiliklari bolasidan qaytadi.

Xuddi shu ma’noga o‘xshash yana bir gap bor. Kim yoshligida ota-onasiga yaxshilik qilsa, qariganida unga ham bolasi yaxshilik qiladi. Bu holat aksincha bo‘lishi ham mumkin.

Otamiz rahmatli shu ma’nodagi hikoyani bir necha marta takrorlaganlarining guvohi bo‘lganmiz.

Odamlar yo‘lda ketishayotsa, bir yigit oqsoqol cholni kaltaklayotgan emish. Ular tezlab borib, oqsoqolni ajratib olishibdi va yigitga o‘dag‘aylab, unga zardali savollar bera boshlashibdi. Shunda oqsoqol o‘zidan oqqan qonni arta turib: «Unga tegmanglar. Hamma ayb o‘zimda. Men yigitlik chog‘imda xuddi shu yerda otamni urgan edim», debdi.

Shunday ekan, har bir kishi ota-onasiga ham, farzandiga ham doimo yaxshilik qilish payidan bo‘lishi kerak. Qisqasi, har kimga shariat tomonidan berilgan haqning rioyasini qilish lozim.

«Yaxshilik va silai rahm» kitobi 1-juz.

 

Maqolalar
#logo