Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

«Yashil makon»da imomlar ham faol

13.04.2024   2444   1 min.
«Yashil makon»da imomlar ham faol

Bugun yerga qadalayotgan nihollar, ko‘chatlar kun kelib azim daraxtlarga aylanadi. O‘shanda sersoya daraxtlar ostida o‘tirib, shirin-shirin mevalarni yeb rohatlagan kishi, albatta, daraxt ekkan kishilarning haqlariga xayrli duolar qiladi.
Bugun Toshkent shahar bosh imom-xatibi Abduqahhor domla Yunusov hamda Toshkent shahar hokimining jamoat va diniy tashkilotlar bilan aloqalar bo‘yicha o‘rinbosari Abdulvosid Xomitjonov Olmazor tumanidagi "Iskandarxo‘ja" jome masjidiga tashrif buyurib, tumanda faoliyat yuritayotgan imom-xatiblar bilan birga "Yashil makon" umummilliy loyihasi doirasida ko‘chatlar ekdilar, gulu rayhonlarni yerga qadadilar.
Tadqiqotlarga ko‘ra, bir kunda bir kishining kislorodga bo‘lgan ehtiyojini qondirish uchun 22 tup daraxt kerak bo‘ladi. Demak, shundan kelib chiqib ko‘proq ko‘chat ekishimiz kerak.
Rasululloh sollallohu alayhi va sallam ummatlarini ko‘chat o‘tqazish va ekin ekishga targ‘ib qilganlar. Anas ibn Molik roziyallohu anhudan rivoyat qilinadi. Rasululloh sollallohu alayhi va sallam: “Agar qiyomat bo‘lib qolsa va birontangizning qo‘lida xurmo daraxti bo‘lsa, uni ekib qo‘ysin”, dedilar (Imom Ahmad rivoyati).
Yana bir muhim masala. Biz ko‘chat ekishga qanchalik haris bo‘lsak, ekilgan nihollarni parvarish qilishni unutmasligimiz kerak.
Bu xayrli ishga barchamiz hissa qo‘shsak, poytaxtimiz bog‘u bo‘stonga aylanadi, inshoalloh.

O‘MI Toshkent shahar vakilligi Matbuot xizmati

 

O'zbekiston yangiliklari
Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   78668   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari