Bir ayol Rasululloh sollallohu alayhi va sallamning huzurlariga eridan shikoyat qilib keldi. Eri doimo uyiga mehmon chaqirib ziyofat berar, bu esa ayolga ortiqcha tashvish, mashaqqat keltirar edi.
Nabiy alayhissalom ayolga indamadilar.
Biroz vaqt o'tgach, Rasululloh ayolning erini chaqirdilar va: "Bugun men senikiga mehmonga boraman", dedilar.
Er xursand bo'lib uyiga qaytdi va bu haqda ayoliga xabar berdi. O'z navbatida, ayoli ham bu xabardan juda xursand bo'ldi va turli-tuman lazzatli taomlar tayyorlashga kirishdi.
Rasululloh mehmon bo'lib keldilar.
U zot mehmondorchilikdan qaytib ketayotganlarida, shikoyat qilgan ayolning erini yonlariga chaqirib: "Men chiqib ketayotganimda, ayoling eshikka qarab tursin", dedilar.
Ayol Rasulullohning ortlaridan qarab turdi. Nabiy alayhissalomning orqalaridan har xil hasharotlar, zararkunandalar ergashib borardi.
Bunday qo'rqinchli holatni ko'rgan ayolning esi og'ib qolay dedi. Shunda Rasululloh ayolga qarab: "Huddi shunday har gal uyingizdan mehmonlar chiqib ketayotganida o'zlari bilan uyingizdagi turli balo-ofatlarni, zararkunandalarni ergashtirib chiqib ketadi", dedilar.
* * *
Ko'p mehmon keladigan uy Alloh taologa mahbub maskandir. Bunday maskanga Allohning rahmati va barakoti yog'iladi.
Hadisi sharifda: "Kim Allohga va oxirat kuniga iymon keltirgan bo'lsa, mehmonini izzat-ikrom qilsin. Uning mukofoti bir kechayu bir kunduzdir. Mehmondorlik uch kun. Undan keyingisi sadaqadir. Unga toki uni (mezbonni) tanglikka solguncha turmog'i halol bo'lmas", deyilgan (Imom Abu Dovud rivoyati).
Halqimiz bejiz: "Mehmon – atoyi Hudo" demagan.
Homidjon domla IShMATBYeKOV
O'zbekiston musulmonlari idorasi raisining birinchi o'rinbosari
Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.
Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.
Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.
Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.
O‘zbekiston musulmonlari idorasi Matbuot xizmati