Rasululloh sollallohu alayhi vasallamning oyoq kiyimlari
Turkiyadagi To'pqopi muzeyida saqlanayotgan Rasululloh sollallohu alayhi vasallam shippaklarining ko'rinishi
Ibn Asokir rahimahulloh: "Abu Hadidning hovlisiga kirdim. U erda Rasululloh sollallohu alayhi vasallamning muborak oyoq kiyimlarini ko'rdim", degan.
Ibn Abbos roziyallohu anhumo dedi: “Rasululloh sollallohu alayhi vasallamning oyoq kiyimlarining har birida ikki tasma bor edi (bir tasma bosh barmoq bilan yonidagi barmoq o'rtasida turar edi, ikkinchisi o'rta barmoq bilan yonidagisining o'rtasida turar edi). O'sha ikki tasmaning uchi kelib qo'shilgan qadam yuzidagi ko'ndalang tasma ham bir juftdan edi” (Imom Termiziy rivoyati).
Shippakning old tomoni egri shaklda edi (barmoqni turli tosh yoki narsalar tegishidan himoya qilish uchun).
Shippakning orqa tomonidagi tasma tovonni qattiq quchoqlab turgan. Chunki Rasululloh sollallohu alayhi vasallamning tovonlari sergo'sht bo'lmagan.
Sahobalar ham Rasululloh sollallohu alayhi vasallamning oyoq kiyimlariga o'xshash shippak kiyishni yaxshi ko'rardilar va oyoq kiyimlarini shunday qilib olardilar.
O'zbekiston musulmonlari idorasi Matbuot xizmati
Mustaqillik shukuhi — ezgulik va saxovat timsoli
Mustaqilligimizning 35 yilligi munosabati bilan yurtimizda tinchlik, mehr-oqibat, saxovat va insonparvarlik kabi yuksak qadriyatlarni keng targ‘ib etishga qaratilgan xayrli tadbirlar amalga oshirilmoqda.
Jumladan,13 avgust kuni Xorazm viloyati bosh imom-xatibi Xayrulla domla Abdullayev boshchiligida tuman bosh imom-xatiblari, otinoyilar, «Haj–2026» ziyoratidan qaytgan hoji otalar va hoji onalar hamda mahalla faollari ishtirokida Urganch shahridagi «Oxun bobo» jome masjidida sayyor yig‘ilish o‘tkazildi. Tadbirda Xorazm viloyati hokimi o‘rinbosari R.Sobitov ishtirok etdi. Tadbir doirasida «Mustaqillik shukuhi» shiori ostida Urganch shahridagi boquvchisini yo‘qotgan, yetim, nochor va kam ta’minlangan oilalardan 100 nafariga VAQF jamoat fondi viloyat bo‘limi bilan hamkorlikda moddiy yordamlar ko‘rsatildi. Bu xayrli amal orqali ehtiyojmand oilalar holidan xabar olinib, ularga moddiy ko‘mak va samimiy mehr-e’tibor ulashildi.
O‘zbekiston musulmonlari idorasi Xorazm viloyati vakilligi matbuot xizmati
