Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Aytgin, amal qilsinlar…

30.04.2024   2396   2 min.
Aytgin, amal qilsinlar…

Alloh taolo marhamat qiladi: “Sen: «Amal qilinglar! Bas, albatta, Alloh, Uning Rasuli va mo'minlar amalingizni ko'rarlar. Va, albatta, g'aybni va shahodatni bilguvchi zotga qaytarilasizlar. Bas, U sizlarga qilib yurgan amallaringizning xabarini beradir» deb ayt”(Tavba surasi, 105-oyat).

Ushbu oyatda Alloh taolo bizga amal qilish kerakligini, oldimizda biror muammo yoki qiyinchilik chiqsa taslim bo'lib, to'xtab qolmasligimiz lozimligini o'rgatmoqda.

Boshqa bir oyatda Alloh taolo bunday deydi: “Sen Iymon keltirgan bandalarimga aytgin, namozni to'la-to'kis ado etsinlar. Savdo-sotiq, og'aynigarchilik yo'q bo'lgan Kun kelmasidan oldin ularga rizq qilib bergan narsalarimizdan maxfiy va oshkor infoq qilsinlar”(Ibrohim surasi, 31-oyat).

Alloh taolo mo'minlarga eng avvalo namozni to'kis, barcha ruknlariga amal qilgan holda va o'z vaqtida ado etishni buyurmoqda. Keyin esa qiyomat kelmasidan turib Alloh bergan narsalardan atrofdagilarga xoh oshkora, xoh maxfiy infoq-ehson qilishni amr qildi. Arab tilidagi “ehson” so'zining ma'nolari ko'p.

“Ehson” deganda odatda birovga biror ne'matni berish va fazlu karam ko'rsatish tushuniladi. Lekin “ehson” so'zi lug'atda “yaxshilik qilish, ezgulik ko'rsatish” ma'nolarini ham anglatadi. Qur'onda karimda ehsonning fazilati haqida zikr etish barobarida ehson qiluvchilarga beriladigan savob-mukofotlar, ularga etadigan manfaatlar ham bayon etiladi.

Haqiqatdan, biror kishiga bir narsani ehson qilsangiz yoki unga biror yaxshilik ko'rsatsangiz, bundan dilingiz ravshan tortadi, ruhiy xotirjamlik yuzaga keladi, o'zgalarga manfaat etkazganingizdan xursand bo'lasiz.

Ehson qilingan kishi ham o'ziga ko'rsatilgan yaxshilikdan sevinadi, dilida sizga muhabbat paydo bo'ladi. Shu tariqa jamiyatda kishilar o'rtasida totuvlik, hurmat-ehtirom paydo bo'ladi hamda dushmanchiliklar barham topadi, osoyishtalik va farog'at barqaror bo'ladi.

Eng asosiysi, kimga yaxshilik qilsangiz Alloh taolo uni o'zingizga o'n barobar qilib qaytaradi!

 Doktor Hasson Shamsi Poshoning “Metin qoyalar” kitobidan

G'iyosiddin Habibulloh, Ne'matulloh Isomov tarjimasi.

Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   87839   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari