Sayt test holatida ishlamoqda!
21 Noyabr, 2026   |   11 Jumadul soni, 1448

Toshkent shahri
Tong
05:55
Quyosh
07:13
Peshin
12:14
Asr
15:18
Shom
17:02
Xufton
18:18
Bismillah
21 Noyabr, 2026, 11 Jumadul soni, 1448

YaHShILIKNI KYeChIKTIRMANG!

30.04.2024   1473   2 min.
YaHShILIKNI KYeChIKTIRMANG!

Rasululloh sollallohu alayhi vasallamning shunday so'zlari bor: "Agar qiyomat bo'lib qolsa, birontangizning qo'lida xurmo daraxti bo'lsa, bas, uni ekib olsin". Boshqa bir rivoyatda esa: "Kim bir ko'chat eksa, undan odam yoki Alloh yaratgan maxluqotlardan birontasi esa, buning evaziga o'sha (ko'chat ekkan banda)ga sadaqa bo'ladi", deyilgan (Imom Buxoriy rivoyati). Ya'ni, Hazrati Rasuli akram alayhissalotu vassalom, mo'min odam yaxshilikni kechiktirmaslik kerak ekanini, qolaversa, bironta ko'chat yoki daraxt ekishi ortidan, garchi o'zi foydalanmasa-da, o'zgalar bahra olishi bois, unga ham ajrlar etib turishini juda ham nozik hikmat birla etkazdilar. Ushbu hadisdagi ma'nolardan kelib chiqib, bugungi kunda yurtimiz uzra "Yashil makon" umummiliy loyihasi ostida bir qancha xayrli ishlar qilinmoqda. Mazkur xayriyatlardan ruhlanib, viloyati hokimining Jamoat va diniy tashkilotlar bilan aloqalar masalalari bo'yicha o'rinbosari Jamshid Hatamov va viloyat bosh imom-xatibi Musoxon domla Abbasiddinovlar boshchiligida tumanimizdagi barcha imom-domlalar va otinoyilar, Muborak Ramazon oyida Pop "Muruvvat uyida" siniq ko'ngillarga shodlik ulashish maqsadida iftor uyushtirish barobarida, hashar tashkil etib, 100tadan ziyod archa daraxtidan ekib, mo''jazgina bog' barpo qilindi.

Kezi kelganda aytib o'tish kerak, qanchadan qancha insonlarning mehnati singan, yaxshi niyatlar bilan barpo etilayotgan mana shunday ekinzorlarga zarar etkazish, mol, qo'y va shu kabi chorva hayvonlarni qo'yib yuborish, yoki ekib qo'yilganidan keyin parvarish qilmasdan beparvo bo'lish, mendan ketguncha, egasiga etguncha qabilida ish tutish bu gunoh sanaladi. Zero, dinimizda inson o'ziga va o'zgalarga zarar berishi qoralangan. Rasululloh sollallohu alayhi vasallamning: "Islomda zarar berish ham, zararlanish ham yo'q", degan gaplari musulmonchilikdagi eng ulug' shiorlardan biri o'laroq, o'zini musulmonman degan har-bir odamning qalbida yangrab turishi lozim. Shunday ekan, mo'min odam birodarining mehnatining qadriga etish kerak.

Alloh taolo mana shunday go'zal ishlarni ustida turgan xalqimizni O'z panohida asrasin!

Qodirjon Umurzakov,
Pop tumani "Muhammadjon qori" jome
masjidi imom-xatibi

Maqolalar
Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   36250   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari