Saudiya Arabistoni Islom ishlari, da'vat va hidoyat vazirligi O'zbekistonning Jiddadagi Bosh konsulligiga brayl alifbosida chop etilgan muqaddas Qur'oni Karim kitoblarini taqdim etdi, deb xabar bermoqda «Dunyo» AA muxbiri.
Texnik-hamkorlik va grantlar asosida qabul qilingan ushbu muborak kitoblar O'zbekiston Ko'zi ojizlar jamiyatiga taqdim etilishi nazarda tutilgan.
Mazkur beg'araz yordam shaklida berilgan kitoblar 15 ming AQSh dollariga teng.
Brayl alifbosidagi ushbu muqaddas Qur'on kitoblari tez kunlarda O'zbekistonga etkaziladi.
O'zbekiston musulmonlari idorasi
Matbuot xizmati
#Malaka_oshirish #Qishki_ta’til
2025 yil 30 dekabrdan shu yil 11 yanvarga qadar professor-o‘qituvchilar uchun “O‘quv jarayoniga oid me’yoriy-huquqiy hujjatlar, zamonaviy pedagogik texnologiyalar va metodlar hamda ixtisoslik fanlari” mavzusida malaka oshirish seminari tashkil etildi.
Seminarning maqsadi — professor-o‘qituvchilar malakasini oshirish, yangi pedagogik texnologiyalar va metodologiyalar bo‘yicha bilimlarini boyitish hamda ixtisoslik fanlari bo‘yicha o‘quv jarayonlarini samarali tashkil etishdir.
Ilk dars Toshkent islom instituti rektori Uyg‘un domla G‘afurov tomonidan “O‘zbekiston va qo‘shni davlatlarda Islom ilmlari ta’lim tizimining rivojlanishi” mavzusida ochildi. Shuningdek, Muhammadakmalxon domla Shokirov Shayx Yusufxon to‘ra Shokirov hayoti va faoliyati haqida batafsil ma’ruza qildi.
Seminarda institut professor-o‘qituvchilari va xodimlari hamda “Xadichai Kubro” ayol-qizlar o‘rta maxsus islom ta’lim muassasasi o‘qituvchilari ishtirok etishdi.
Oliymahad.uz