Jaholat va johillikning eng asosiy davosi kitob o'qishdir. Zero, kitob insonning eng yaqin do'sti va maslahatchisi, akl qayrog'i va bilim manbaidir. Unga oshno kishi dunyo va oxirat sharafi bo'lgan ilmni egallaydi.
Alhamdulillah, yurtimizda barcha sohalarga oid bo'lgan kitoblar va adabiyotlar kun sayin ortib bormokda. Birgina diniy yo'nalishda tafsir, Qur'oni Karim ma'nolar tarjimasi, hadis, aqida va boshqa fanlarga oid ko'plab kitoblar ona tilimizda nashr etilmoqda. Ularni mutolaa qilish kerak, xolos.
O'tmishda ota-bobolarimiz Qur'on, hadislar bilan birgalikda "Hamsa", "Boburnoma", "O'tgan kunlar", "Mehrobdan chayon" singari badiiy adabiyotlar va xalq og'zaki ijodi namunalarini o'qib-aytib ulg'ayishgan. Bugun oramizda bu bebaho ma'naviy boylikni kadriga etmayotganlar ham talaygina. Aksariyat yoshlar ham, kattalar xam ijtimoiy tarmoqqa bog'lanib, kitob mutolaasiga bee'tibor bo'ldi. Natijada ularning ma'naviyati, tafakkur quvvati zaiflashdi. Hayotda ro'y berayotgan ayrim noxushliklarning ildizi esa o'sha ilmsizlik va kitob o'qimaslikning achchik mevasidir. Bunday noxush holatlardan saklanish uchun aqlni ilm va kitob mutolaasi bilan charxlab turish lozim.
Har qanday yangilik ham bir kun kelib eskiradi, biroq insoniyatning ming yillar davomida qo'lga kiritgan durdonalarini o'zida jamlagan kitoblar aslo eskirmaydi. Buni ulug' zotlardan bizgacha etib kelayotgan bebaho asarlardan anglash mumkin.
Imom Muhammad ibn Hasan Shayboniy kitob o'qish asnosida murakkab bir masalaga echim topganlaridan xursand bulib: "Bundaylazzatnipodshohlarningbolalarihamko'rmagan", deganlar.
Buyuk muxaddis Imom Abu Dovud Sijistoniy o'ziga kiyim tiktirganida, uning engini keng kilib tiktirar, qayerga borsa, o'sha englarida kitob bo'lar ekan. Bo'sh vaqt topildi deguncha, kitob mutolaasiga kirishar ekan.
Mashhur ulamolardan Abul Faraj ibn Javziy bunday deydi: «Men kitob mutolaasidan hech to'ymaganman. Agar o'zim o'qib ko'rmagan birorta kitobni ko'rib kolsam, go'yoki xazinaning ichiga tushib kolgandek bo'lardim. Agar, "Yigirma ming mujallad kitob o'qib chiqqanman", desam ham, mubolag'a kilmagan bo'laman, lekin kitob o'qishda davom etaman», degan ekan.
Hasan ibn Saxl aytadi: «Ma'mun uxlaganda atrofida kitoblar turar edi. Uxlashdan oldin ham kitob o'qir edi. Uyqudan uyg'onib ketganda ham kitob o'qir edi. U inson shunday vasiyat qilar edi: "Yolg'izlik dahshatini kitob o'qish bilan enggin. Albatta, kitoblar so'zlovchi tillar va tikilib turuvchi ko'zlardir".
Husayn Voiz Koshifiy: "Axloqi Muhsinin" asarida bunday deydi: "Eng yaxshi suhbatdosh va eng maqbul do'sti ulfat ulug'larning kitobidir".
Kitob ilmu donish va ma'naviy ozuqa hosil qilishning asosiy manbaidir. Shunday ekan, kitobni do'st bilmoq va unga ehtirom ko'rsatmoq har birimizning vazifamiz va jaxolatni asosiy davosidir
Olimxon ISAQOV
Iordaniya safari mobaynida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Iordaniya bosh muftiysi Ahmad Ibrohim Hasanot janoblari bilan uchrashuv o‘tkazdilar.
Muloqotda ikki davlat rahbarlarining do‘stona munosabatlari samarasi o‘laroq, barcha sohalardagi hamkorlik aloqalari izchil rivojlanib borayotgani, xususan, malaka oshirish, o‘zaro tajriba almashish, diniy ta’lim hamda fatvo ishlab chiqish yo‘nalishlarida salmoqli natijalarga erishilayotgani qayd etildi.
O‘zbekiston musulmonlari idorasi Fatvo markazi hamda Iordaniya Fatvo uyi o‘rtasida qo‘shma ilmiy hay’at tashkil etilgani, mazkur hay’at zamonaviy dolzarb masalalar yuzasidan fatvolar ishlab chiqish va ilmiy tahlillar o‘tkazish borasida salmoqli natijalarga erishayotgani e’tirof etildi.
Ahmad Hasanot O‘zbekiston buyuk alloma va mutafakkirlari bilan butun dunyoga mashhur ekani, xususan, Imom Buxoriy, Imom Termiziy, Imom Moturidiy, Burhoniddin Marg‘iloniy va Qaffol Shoshiy kabi buyuk allomalar merosi bilan nafaqat o‘zbek xalqi, balki butun dunyo musulmonlari faxrlanishini e’tirof etdi.
Iordaniya Bosh muftiysi shu kunlarda Ammon shahridagi nufuzli tashkilotlar, ilmiy-tadqiqot markazlari va oliy o‘quv yurtlari bilan hamkorlikda podshohlikning milliy kutubxonalari hamda yetakchi universitetlarida «Yangi O‘zbekiston kitob burchaklari» tashkil etilganini alohida mamnuniyat bilan ta’kidladi.
Ushbu ma’rifat maskanlarida Davlatimiz Rahbarining arab tiliga tarjima qilingan asarlari hamda yurtimizdagi keng ko‘lamli islohotlarga bag‘ishlangan kitob-albomlar taqdimotlari o‘tkazilgani xalqlarimiz o‘rtasidagi madaniy-ma’rifiy rishtalarni yanada mustahkamlashiga xizmat qilishini ta’kidladi.
Shuningdek, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot dolzarb ahamiyatga ega ekanini bildirdi.
Uchrashuv yakunida Davlatimiz Rahbarining arab tiliga tarjima qilingan «Hozirgi zamon va Yangi O‘zbekiston», «Vatan va xalq haqida o‘ylar», «Dinlararo muloqot va bag‘rikenglik» kabi asarlari hamda Yangi O‘zbekistondagi diniy-ma’rifiy islohotlarga bag‘ishlangan kitob-albomlar Iordaniya fatvolar markaziga taqdim etildi.
O‘zbekiston musulmonlari idorasi Matbuot xizmati