Sharatimiz ko'rsatmalarida jamoat namoziga targ'ib qilinadi. Umuman olganda musulmonlar o'zaro mehr-oqibatda yashashlari va hojatmandlar muhtojlarning ehtiyojlarini yaxshi his qilishlari hamda jamiyat a'zolarining hol-ahvollaridan xabardor bo'lib turishi uchun ham jamoatga ehtiyoj seziladi.
Alloh subhonahu va taolo Qur'oni karimda aytadi: “Namozni to'kis ado qiling, zakot bering va ruku' qiluvchilar bilan ruku' qiling”(Baqara, 43).
Rasululloh sollallohu alayhi vasallam: “Jamoat namozi yolg'iz namozdan (ya'ni yolg'iz o'quvchining namozidan) yigirma etti daraja ortiqdir”, deganlar (Imom Buxoriy rivoyati).
Rivoyat qilinishicha qiyomat kuni bo'lganida Alloh taolo yuzlari yulduz kabi bo'lgan bir qavmni tiriltiradi. Farishtalar ulardan so'raydi:
“Sizlar nima amal qilgansiz?”.
Ular javob beradilar:
“Biz azonni eshitgan vaqtimizda hamma ishni tashlab, tahorat olgani turardik”.
Yana bir qavmning yuzi oy kabi nurli bo'lur. Ulardan so'raydilar:
“Sizlar nima ish qilgansizlar?”.
“Biz azondan oldin tahorat olardik”.
Va yana bir qavm bo'ladi, ularning yuzlari quyosh kabi porloq, nurafshon bo'ladi. Ulardan ham buning sababi so'ralganida ular shunday javob beradilar:
“Biz doimo azonni masjidda eshitardik”.
Shahobiddin PARPIYeV,
Asaka tumanidagi “Muhammadsolih” jome masjidi imom-xatibi.
Yangi O‘zbekiston taraqqiyot yo‘lining 10 yilligi munosabati bilan joriy yilning 18–20 noyabr kunlari O‘zbekiston delegatsiyasi Iordaniya Hoshimiylar Podshohligida bo‘lib, ilmiy-ma’rifiy tadbirlar, ikki tomonlama uchrashuvlar va kitob taqdimotlarida ishtirok etadi.
Safar davomida Ammon shahridagi nufuzli tashkilotlar, ilmiy markazlar va oliy o‘quv yurtlari bilan hamkorlikda podshohlikning milliy kutubxonalari hamda oliy ta’lim muassasalarida «Yangi O‘zbekiston kitob burchaklari» tashkil etiladi. Shuningdek, ushbu maskanlarda Davlatimiz Rahbarining arab tiliga tarjima qilingan asarlari hamda keng ko‘lamli islohotlarga bag‘ishlangan kitob-albomlar taqdimoti o‘tkaziladi.
Shu bilan birga, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot bo‘lib o‘tadi.
Tadbirlar doirasida mamlakatimiz vakillari bilan Iordaniyaning diniy-ma’rifiy tashkilotlari rahbarlari va akademik muassasalar yetakchilari o‘rtasida ikki tomonlama uchrashuvlar o‘tkazilishi ham rejalashtirilgan.
O‘zbekiston musulmonlari idorasi Matbuot xizmati