O'zbekiston Respublikasining Ar-Riyoddagi Favqulodda va Muxtor elchisi Nodirjon Turg'unov Qirollik vazirlar mahkamasi maslahatchisi, Qirol Salmon nomli gumanitar yordam markazi bosh direktori Abdulla bin Abdulaziz ar-Rabiyani qabul qildi, deb xabar bermoqda “Dunyo” axborot agentligi.
Uchrashuvda hamkorlik, jumladan, ta'lim va sog'liqni saqlash sohalari, shuningdek, Orolbo'yi mintaqasini rivojlantirishni qo'llab-quvvatlash masalalari muhokama qilindi.
O'zbekiston Prezidentining 2022 yilda Saudiya Arabistoniga rasmiy tashrifidan so'ng ikki davlat o'rtasidagi hamkorlik yangi suratga ega bo'lgani ta'kidlandi. Saudiya Arabistonining O'zbekiston bilan munosabatlarni har tomonlama rivojlantirish istagi ta'kidlandi. Bu borada markaz mamlakatimizda ishlab chiqilayotgan loyihalarni moliyalashtirish masalasini ko'rib chiqish va hamkorlik aloqalarini rivojlantirishga tayyor ekanini ma'lum qildi. Saudiya tomoni boshqa sohalarda ham hamkorlikni yo'lga qo'yishdan manfaatdorligini bildirdi.
Uchrashuv yakunlari bo'yicha hamkorlikni muvofiqlashtirish maqsadida O'zbekistonning Ar-Riyoddagi elchixonasi vakillari bilan muntazam muzokaralar olib borish bo'yicha kelishuvga erishildi.
O'zbekiston musulmonlari idorasi
Matbuot xizmati
Joriy yilning 6 may kuni Mir Arab o‘rta maxsus islom ta’lim muassasasida navbatdagi ma’rifiy uchrashuv tashkil etildi.
Unda Din ishlari bo‘yicha qo‘mita raisining birinchi o‘rinbosari D.Maxsudov tomonidan muassasa o‘qituvchilari, xodimlari hamda talabalariga "Fuqarolarning vijdon erkinligini ta’milash va diniy sohadagi davlat siyosati Konsepsiyasi"ning mazmun-mohiyatini ifoda etuvchi maxsus kurs mashg‘uloti o‘tib berildi.
Tadbir davomida Konsepsiyada mustahkamlangan vijdon erkinligi tamoyillari, diniy e’tiqod erkinligini ta’minlashga qaratilgan qonunchilik asoslari va fuqarolarning huquqiy madaniyatini oshirish masalalari keng yoritildi. Diniy-ma’rifiy sohadagi davlat siyosatining asosiy yo‘nalishlari, amalga oshirilayotgan islohotlar haqida batafsil ma’lumotlar berildi.
Manba: Din ishlari bo‘yicha qo‘mita Axborot xizmati