Sayt test holatida ishlamoqda!
19 Noyabr, 2026   |   9 Jumadul soni, 1448

Toshkent shahri
Tong
05:53
Quyosh
07:11
Peshin
12:14
Asr
15:19
Shom
17:04
Xufton
18:19
Bismillah
19 Noyabr, 2026, 9 Jumadul soni, 1448

Yaxshi va yomon 2 xislat

30.05.2024   4950   3 min.
Yaxshi va yomon 2 xislat

Alloh subhonahu va taolo Qur'oni karimda mol-dunyo va bola-chaqa dunyo ziynati ekanini bayon qilgan: “Mol-mulk, bola-chaqa hayoti dunyo ziynatidir. Boqiy qolguvchi solih amallar Robbing huzurida savob va umid jihatidan yaxshiroqdir” (Kahf, 46).

Inson tirik ekan, dunyoning bu ziynatlari hamisha hamroh bo'lar ekan. Lekin gap shundaki, bu ziynatga o'ta berilib, u bilan chalg'ib oxirat amallari, Allohning roziligi qolib ketmasligi muhimdir. Zero, halol tirikchilik qilishlik ham ayni ibodatdir. Chunki dinimiz ta'limotlarida tarkidunyochilikka targ'ib qilinmaydi. Balki, har bir mo'min-musulmon kishi dunyo hayotida farovon yashashi va Alloh bergan rizqini halol yo'llar bilan topishi uchun mehnat va harakat qilishi kerakligi bayon etilgan.

Alloh taolo Juma surasining 10-oyatida marhamat qilib aytadi: "Bas, qachonki, namoz ado qilingach, erda tarqalib, Allohning fazli (rizqi)dan istayveringiz! Allohni ko'p yod etingiz! Shoyadki, najot topsangiz".

Ushbu oyati karimada Alloh taolo mo'minlarni ibodatlarini ado etib bo'lgandan keyin er yuziga tarqalib, sa'y-harakat qilib, halol rizq topishga targ'ib qilmoqda. Alloh taolo rizq yo'llarini ko'paytirib qo'ygan. Kimdir dehqonchilik, kimdir tijorat, kimdir o'qituvchilik, kimdir shifokorlik qilib pul topadi.

Ibn Hajar Asqaloniy o'zining “Munabbihot” kitobida quyidagi rivoyatni keltiradi: “Ikki xislat borki, ulardan afzal narsa yo'q: Allohga iymon keltirish va musulmonlarga foyda keltirishdir. Ikki xislat borki, ulardan yomonroq narsa yo'q: Allohga shirk keltirish va musulmonlarga zarar etkazishdir”.

Ha, inson kasb-hunar qilar ekan, ham oilasiga naf, ham boshqalarga manfaat, ham ibodatda bo'ladi, modomiki firibgarlik qilmasa, odamlarni aldamasa, qimor, aroq, harom go'shtlar savdosi kabi harom yo'l bilan tirikchilik qilmasa.

Payg'ambarimiz sollallohu alayhi vasallam mehnatkash va kasb- hunarli kimsalarni maqtab bunday deganlar: “Alloh taolo kasb-hunarli kishini yaxshi ko'radi” (Imom Termiziy rivoyati).

Sarvarbek YO'LDOShYeV,

Asaka tumanidagi “Mirzo Sharif” jome masjidi imom-xatibi.

Maqolalar
Boshqa maqolalar
Yangiliklar

O‘zbekiston delegatsiyasi Iordaniyadagi ma’rifiy tadbirlarda ishtirok etadi

19.11.2026   6531   1 min.
O‘zbekiston delegatsiyasi Iordaniyadagi ma’rifiy tadbirlarda ishtirok etadi

Yangi O‘zbekiston taraqqiyot yo‘lining 10 yilligi munosabati bilan joriy yilning 18–20 noyabr kunlari O‘zbekiston delegatsiyasi Iordaniya Hoshimiylar Podshohligida bo‘lib, ilmiy-ma’rifiy tadbirlar, ikki tomonlama uchrashuvlar va kitob taqdimotlarida ishtirok etadi.

Safar davomida Ammon shahridagi nufuzli tashkilotlar, ilmiy markazlar va oliy o‘quv yurtlari bilan hamkorlikda podshohlikning milliy kutubxonalari hamda oliy ta’lim muassasalarida «Yangi O‘zbekiston kitob burchaklari» tashkil etiladi. Shuningdek, ushbu maskanlarda Davlatimiz Rahbarining arab tiliga tarjima qilingan asarlari hamda keng ko‘lamli islohotlarga bag‘ishlangan kitob-albomlar taqdimoti o‘tkaziladi.

Shu bilan birga, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot bo‘lib o‘tadi.

Tadbirlar doirasida mamlakatimiz vakillari bilan Iordaniyaning diniy-ma’rifiy tashkilotlari rahbarlari va akademik muassasalar yetakchilari o‘rtasida ikki tomonlama uchrashuvlar o‘tkazilishi ham rejalashtirilgan.

O‘zbekiston musulmonlari idorasi Matbuot xizmati

O'zbekiston yangiliklari