Diniy ta’lim muassasalari rektor va direktorlari hamda talabalaridan iborat delegatsiya Surxondaryoning tabarruk qadamjolari — "Hakim Termiziy" va “Sulton Saodat” majmualarini ziyorat qilishdi.

Ziyorat davomida dastlab Qur’oni karim tilovat qilinib, yurt tinchligi va ilm rivoji yo‘lida ezgu duolar qilindi. 

Tashrif doirasida Imom Termiziy xalqaro ilmiy-tadqiqot markazi katta ilmiy xodimi Jo‘rabek domla Cho‘tmatov mehmonlarga hamrohlik qilib, ushbu muqaddas maskanlarning tarixi, ularning islom sivilizatsiyasidagi o‘rni hamda ilmiy va ma’naviy ahamiyati haqida qimmatli ma’lumotlarni so‘zlab berdi.

Bu kabi tarixiy qadamjolar bilan tanishish ishtirokchilarda katta taassurot qoldirib, ajdodlar merosiga bo‘lgan hurmatni yanada mustahkamladi.

“Imom Termiziy” madrasasi
Matbuot xizmati