Qizim qattiq betob bo'lib shifoxonaga tushib qoldi. Uning ahvolidan juda xavotirlandim. Shifokorlar tomonidan barcha muolajalar qilindi. Qizimning sog'ayishini so'rab tinmay duo qildim. Shifo beruvchi bu duo quyidagicha edi:
“As'alullohal 'aziyma, Robbal 'arshil 'aziymi an yashfiyaka”.
“Allohumma, Robban naasi, azhibil ba'sa. Ishfi, antash-shaafiy laa shifaa'a illa shifaa'uk. Shifaa'an laa yug'odiru saqoman.
Allohim! Odamlarning Robbi! Shiddatni ketkaz! Shifo ber. Shifo beruvchi Sensan. Shifoingdan boshqa shifo yo'q. Hech dardni qo'ymaydigan shifo ber!”.
Vaqt o'tib qizimning ahvoli kundan-kunga yaxshilanib bordi va butkul sog'ayib ketdi. Qizim avvalgidan ham menga mehribon bo'lib qoldi. “Oyijon, sizning mehringiz duolaringiz sabab men sog'ayib ketdim. Holsiz holda yotsam-da, sizning duoyu iltijolaringizni eshitib, his qilib turdim. Men sizni juda yaxshi ko'raman. Siz dunyodagi eng mehribon onasiz”, dedi. Hayajondan ko'z yoshlarimni yashira olmadim va uni qattiq quchoqlab bag'rimga bosdim. Kasallik ham bir ne'mat ekan. U qalblarni bir-biriga mehr-shafqatli qilishini tushunib etdim. Qizimning sog'ayishini so'rab Allohga yaqinligim ortgan bo'lsa, qizim duolarim sabab shifo topganidan menga bo'lgan muhabbati yanada ziyoda bo'ldi.
Abdulloh Muhammad Abdulmu'tiyning "Mehr oyi" kitobidan
G'iyosiddin Habibulloh, Hikmatulloh Ro'zaliyev tarjimasi.
Yangi O‘zbekiston taraqqiyot yo‘lining 10 yilligi munosabati bilan joriy yilning 18–20 noyabr kunlari O‘zbekiston delegatsiyasi Iordaniya Hoshimiylar Podshohligida bo‘lib, ilmiy-ma’rifiy tadbirlar, ikki tomonlama uchrashuvlar va kitob taqdimotlarida ishtirok etadi.
Safar davomida Ammon shahridagi nufuzli tashkilotlar, ilmiy markazlar va oliy o‘quv yurtlari bilan hamkorlikda podshohlikning milliy kutubxonalari hamda oliy ta’lim muassasalarida «Yangi O‘zbekiston kitob burchaklari» tashkil etiladi. Shuningdek, ushbu maskanlarda Davlatimiz Rahbarining arab tiliga tarjima qilingan asarlari hamda keng ko‘lamli islohotlarga bag‘ishlangan kitob-albomlar taqdimoti o‘tkaziladi.
Shu bilan birga, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot bo‘lib o‘tadi.
Tadbirlar doirasida mamlakatimiz vakillari bilan Iordaniyaning diniy-ma’rifiy tashkilotlari rahbarlari va akademik muassasalar yetakchilari o‘rtasida ikki tomonlama uchrashuvlar o‘tkazilishi ham rejalashtirilgan.
O‘zbekiston musulmonlari idorasi Matbuot xizmati