“Jumadan jumagacha” (31.05.2024)
O'tgan haftada diniy-ma'rifiy sohada ro'y bergan muhim xabarlarning qisqacha tafsiloti
00:00 Anons
01:09 Ziyorat davomida bo'lg'usi hojilarimizning ruhiy-ma'naviy olami boyidi
02:38 Makkaga etib kelgan ilk ziyoratchilar katta ehtirom ila kutib olindi
03:25 Fuqarolar murojaati o'z echimini topmoqda
03:53 Turkiyada Movarounnahr allomalari merosiga bag'ishlangan xalqaro anjuman tashkil etildi
04:26 Martabali mehmon Diniy idora faoliyati va Hazrati Imom majmuasi bilan tanishdi
05:00 Bid'at va xurofotlarga yo'l qo'ymang (Surxondaryo, Qashqadaryo)
05:35 Sirdaryolik hojilarga ulug' ibodat ahkomlari tushuntirildi
05:58 Diniy soha xodimlari faoliyati tahlil qilindi (Namangan viloyati)
06:28 "Siz bizga keraksiz” tadbiri Surxondaryoda
06:59 O'zbekistonlik qori xalqaro musobaqada 3-o'ringa sazovor bo'ldi
07:42 Saudiya nashrlari ziyoratchilarimizga bo'lgan e'tiborni keng yoritdi
✅ O'zbekiston musulmonlari idorasi Matbuot xizmati
Bir marta "Subhanalloh" deyish uchun fursat berilsa...
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
O‘lim bir eshik. Barcha insonlar undan o‘tadi. Eh koshki, bu eshikka kirgandan keyin mening uyim qanaqaligi ma’lum bo‘lsa?!
Birodar! Qarang, qabrdagilar bir-birlariga juda yaqin yotishibdi. Lekin ular sirtdan yaqin qo‘shni. Aslida esa, bir-birlarining yoniga ham bora olmaydilar.
Usmon roziyallohu anhu qachon qabr yonidan o‘tsalar, shu darajada yig‘lar edilarki, soqollari ko‘z yoshlaridan ho‘l bo‘lib ketardi.
U kishidan: "Siz nega jannat va do‘zaxni esga olganingizda yig‘lamaysiz. Lekin qabrni ko‘rib yig‘laysiz?" deb so‘rashdi. U kishi shunday dedilar: «Rasululloh sollallohu alayhi vasallam: "Qabr oxiratning ilk manzilidir", deganlar. Shunga ko‘ra, agar mayyit qabrdagi azobdan najot topsa, undan keyingi hayot oson bo‘ladi. Agar qabrdagi azobdan najot topa olmasa, u holda undan keyingi hayot qiyin bo‘ladi.
Yana Rasululloh sollallohu alayhi vasallam: "Men qabrdan ko‘ra daxshatliroq biror manzarani ko‘rmadim", deganlar.
Biz uchun bu qabrlarda ibrat yo‘qmi? Qarang, boy ham, faqir ham, zo‘ravon ham, kuchsiz ham, oq tanli ham, qora tanli ham, podshoh ham, fuqaro ham barcha barobar yotibdi. Ular dunyoga qaytishni xohlaydilar. Boylik jamlash yoki qasr qurish uchun emas, balki, koshki men bir namoz o‘qish uchun muhlat topsam, koshki bizga bir martagina "Subhanalloh" deyish uchun fursat berilsa, deb, shu amallarni qilish uchun dunyoga qaytishni xohlaydilar. Lekin endi iloji yo‘q. Nomai a’mol yopilib bo‘ldi. Ruh jismdan chiqqan. Hayot muhlati tugab bo‘lgan. Endi har bir mayyit o‘z amalining garovi o‘laroq qabrida yotibdi...
«Nasihatlar guldastasi» kitobidan