Sayt test holatida ishlamoqda!
19 Noyabr, 2026   |   9 Jumadul soni, 1448

Toshkent shahri
Tong
05:53
Quyosh
07:11
Peshin
12:14
Asr
15:19
Shom
17:04
Xufton
18:19
Bismillah
19 Noyabr, 2026, 9 Jumadul soni, 1448

Kriptovalyutalar savdosi joizmi?

03.06.2024   8715   2 min.
Kriptovalyutalar savdosi joizmi?

Cavol: Dinimizda Bitkoin, Notkoin va boshqa shu kabi kriptavalyutalarda savdo-sotiq qilishga munosabat qanday?

 

Javob: Bismillahir Rohmanir Rohiym. Bitkoin, Notkoin kabi kriptavalyutalarni o'zaro ayriboshlash va ular bilan savdo-sotiq qilish shar'an joiz emas. Chunki ushbu kriptovalyutalarda shariatimiz tomonidan pulga qo'yilgan talablar topilmaydi. Qolaversa, ularni biror davlat ishlab chiqarmagani yoki rasman tan olmagani, narxining keskin o'zgaruvchanligi hamda unda qimor alomatlari borligi u bilan muomala qilish harom ekaniga asos bo'ladi. Bu haqda avval ham batafsil javob (https://t.me/diniysavollar/1231) berilgan edi.

Shuni ham ta'kidlash joizki, hozirda faqat elektron ko'rinishda mavjud bo'lgan "raqamli pul”lar vaqt o'tishi bilan shariatimizga muvofiq tovar va pulga qo'yilgan shartlarga to'liq javob bera olsa, shundagina ulardan foydalanishning hukmi ham o'zgarishi mumkin. Demak, kriptovalyutalarning hukmi halol bo'lmaguncha mo'min musulmonlar bu pullar bilan savdo qilmay turishlari lozimdir. Zero Payg'ambarimiz alayhissalom shunday deganlar:

“Halol ham aniq, harom ham aniq. Ularning o'rtasida shubhali narsalar bor. Ko'p odamlar buni bilmaydilar. Kim shubhalardan saqlansa, dini va obro'sini pok saqlaydi. Kim shubhalarga tushsa, haromga tushadi...”(Imom Buxoriy rivoyati).

Kriptavalyutalar savdosi hozirga qadar Dunyo musulmon ularmolari birlashmasi, Saudiya Arabistoni kibor ulamolari hay'ati, Misr Arab Respublikasi “Dorul ifto” fatvo markazi, Iordaniya fatvo idorasi, Turkiya diyonat ishlari boshqarmasi fatvo markazi, Liviya fatvo uyi va Falastin fatvo markazi kabi nufuzli fatvo uyushmalar tomonidan harom deb e'lon qilingan.

Kriptavalyutalardan foydalanish hukmi va uning asoslari haqida quyida batafsil (https://telegra.ph/KRIPTOVALYUTALAR-SAVDOSI-%D2%B2ALOLMI-06-03) tanishishingiz mumkin. Vallohu a'lam.

 O'zbekiston musulmonlari idorasiFatvo markazi

Maqolalar
Boshqa maqolalar
Yangiliklar

O‘zbekiston delegatsiyasi Iordaniyadagi ma’rifiy tadbirlarda ishtirok etadi

19.11.2026   2721   1 min.
O‘zbekiston delegatsiyasi Iordaniyadagi ma’rifiy tadbirlarda ishtirok etadi

Yangi O‘zbekiston taraqqiyot yo‘lining 10 yilligi munosabati bilan joriy yilning 18–20 noyabr kunlari O‘zbekiston delegatsiyasi Iordaniya Hoshimiylar Podshohligida bo‘lib, ilmiy-ma’rifiy tadbirlar, ikki tomonlama uchrashuvlar va kitob taqdimotlarida ishtirok etadi.

Safar davomida Ammon shahridagi nufuzli tashkilotlar, ilmiy markazlar va oliy o‘quv yurtlari bilan hamkorlikda podshohlikning milliy kutubxonalari hamda oliy ta’lim muassasalarida «Yangi O‘zbekiston kitob burchaklari» tashkil etiladi. Shuningdek, ushbu maskanlarda Davlatimiz Rahbarining arab tiliga tarjima qilingan asarlari hamda keng ko‘lamli islohotlarga bag‘ishlangan kitob-albomlar taqdimoti o‘tkaziladi.

Shu bilan birga, Iordaniya jamoatchiligi vakillari, ziyolilar, ilm-fan namoyandalari, ulamolar hamda din va davlat arboblari ishtirokida «Yangi O‘zbekiston fenomeni»ning 10 yilligiga bag‘ishlangan xalqaro anjuman-taqdimot bo‘lib o‘tadi.

Tadbirlar doirasida mamlakatimiz vakillari bilan Iordaniyaning diniy-ma’rifiy tashkilotlari rahbarlari va akademik muassasalar yetakchilari o‘rtasida ikki tomonlama uchrashuvlar o‘tkazilishi ham rejalashtirilgan.

O‘zbekiston musulmonlari idorasi Matbuot xizmati

O'zbekiston yangiliklari