Saudiya Arabistoni 2024 yilgi haj mavsumida dronlardan foydalanadi
Saudiya Arabistoni rasmiylari 2024 yilgi haj mavsumida zamonaviy dron kuzatuvini joriy etishni rejalashtirgan. Bu haqda theislamicinformation.com nashri xabar berdi.
Dron texnologiyasi muqaddas qadamjolarga olib boruvchi yo'llarda tozalik va xavfsizlikni ta'minlash maqsadida qo'llaniladi.
Dron texnologiyasi qanday ishlaydi?
1. To'siqlar va ko'priklarni tekshirish: To'siqlar va ko'priklar kabi qiyin joylarda dronlarning xizmatidan foydalanish qulay. Dron xavfsizlikni ta'minlagan holda o'sha hududlarni tekshiradi.
2. Yo'l sharoitlarini baholash: Hal qilinishi kerak bo'lgan shoshilinch masalalar dronlar yordamida amalga oshiriladi.
3. Termal skanerlash: Dronlardagi termal skanerlash funktsiyasidan foydalanganda yo'llarning holatini xavfsizlik nuqtai nazaridan o'rganish mumkin.
4. Tozalikni tekshirish: Dronlar ziyoratchilarni gigiyenik muhit bilan ta'minlash uchun yo'llarning tozaligini nazorat qiladi.
Saudiya hukumatining kuzatuv dronlardan foydalanish tashabbusi ularning haj tajribasini yaxshilashga bo'lgan sodiqligini ifodalaydi.
Shuningdek, rasmiylar barcha ziyoratchilarga xavfsiz muhitni ta'minlashni maqsad qilishgan.
islom.uz
“Em Insight”: Toshkentdagi xalqaro mediaforum islom sivilizatsiyasining zamonaviy qiyofasini namoyon etdi
Britaniyaning “Em Insight” jurnalida O‘zbekistonda bo‘lib o‘tgan “Islom sivilizatsiyasi: yangi nigoh, yangi kashfiyotlar” mavzusidagi xalqaro mediaforumga bag‘ishlangan maqola e’lon qilindi, deb xabar bermoqda “Dunyo” AA.
Nashrda yozilishicha, O‘zbekiston Islom sivilizatsiyasi markazi tomonidan tashkil etilgan “Islom sivilizatsiyasi: yangi nigoh, yangi kashfiyotlar” xalqaro mediaforumi xorijlik OAVda katta qiziqish uyg‘otgan.
Raqamli platformalar, sun’iy intellekt va axborot xurujlari avj olgan hozirgi zamonda ommaviy axborot vositalarining mamlakatlar, madaniyatlar va sivilizatsiyalar haqidagi tasavvurlarni shakllantirishdagi o‘rni tobora ortib bormoqda.
Maqolada ta’kidlanishicha, Al-Xorazmiy, Ibn Sino, Beruniy, Imom Buxoriy, Imom Termiziy va Mirzo Ulug‘bek kabi jahon ilm-fani rivojiga beqiyos hissa qo‘shgan buyuk mutafakkirlar yurti bo‘lmish O‘zbekiston bu kabi global muhokamalar uchun eng maqbul maydondir.
Qatarning “The Peninsula” gazetasi mas’ul muharriri Muhammad Osmon forumning raqamli axborot asridagi ahamiyatiga to‘xtalib, Imom Buxoriyning hadislarni to‘plash va ularning haqqoniyligini tekshirishdagi qat’iy yondashuvini tilga oldi.
U ushbu metodologiyani manbalarni chuqur o‘rganish va verifikatsiya qilishning o‘chmas namunasi deb atadi va bu tamoyillar feyk xabarlar hamda sun’iy intellekt mahsulotlari ko‘paygan hozirgi davrda juda ahamiyatli ekanini bildirdi.
O‘zbekiston Milliy axborot agentligi muharriri O‘tkir Alimov forumning Mustaqillikning 35 yilligi ostonasida o‘tkazilayotganiga e’tibor qaratgan. U 50 mamlakatdan 300 ga yaqin OAV vakillarining Toshkentda jamlangani O‘zbekistonning sivilizatsiyalar chorrahasi sifatidagi o‘rni ortib borayotganidan dalolat berishini ta’kidladi.
Maqolada Toshkentdagi xalqaro mediaforum jurnalistika mas’uliyati, tarixiy tadqiqotlar chuqurligi va zamonaviy texnologiyalar imkoniyatlarini birlashtirgan holda Islom sivilizatsiyasini yangi, zamonaviy qiyofada dunyoga tanitishga xizmat qilishi bayon etilgan.
O‘zbekiston musulmonlari idorasi Matbuot xizmati
