Sayt test holatida ishlamoqda!
20 Iyul, 2025   |   25 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:29
Quyosh
05:07
Peshin
12:34
Asr
17:38
Shom
19:55
Xufton
21:26
Bismillah
20 Iyul, 2025, 25 Muharram, 1447
Avvalgi sayt
#search
 YouTube

2024-2025 O'QUV YILI UChUN OLIY VA O'RTA MAHSUS DINIY TA_''LIM MUASSASALARIGA QABUL E_''LON QILINADI

08.06.2024   12682   4 min.
2024-2025 O'QUV YILI UChUN OLIY VA O'RTA MAHSUS DINIY TA_''LIM MUASSASALARIGA QABUL E_''LON QILINADI

O'zbekiston musulmonlari idorasi Ta'lim va ilmiy-tadqiqot bo'limi 2024-2025 o'quv yili uchun oliy va o'rta maxsus diniy ta'lim muassasalariga abituriyentlardan hujjatlarni qabul qilish sanalarini ma'lum qiladi:

Toshkent islom instituti, Mir Arab oliy madrasasi va barcha o'rta maxsus islom ta'lim muassasalariga shu yil 20 iyundan 20 iyulga qadar;
Hadis ilmi maktabiga 20 iyundan 10 iyulgacha;
Toshkent islom institutining Modul' ta'lim tizimiga 10 iyuldan 30 iyulgacha.

Oliy diniy ta'lim muassasalariga o'qishga kirish istagida bo'lgan abituriyentlar Qabul hay'atiga quyidagi hujjatlarni taqdim etadi:
- ta'lim muassasasi rektori nomiga ariza;
- pasport yoki ID karta nusxasi (asli ko'rsatiladi);
- o'rta maxsus islom ta'lim muassasasini tamomlagani to'g'risidagi hujjat (diplom) va uning ilovasi asl nusxada;
- 3,5 x 4,5 hajmdagi 6 dona rangli fotosurat (so'nggi uch oyda olingan va orqa foni oq rangda bo'lishi talab etiladi);

O'MIning “Yagona olimpiada” tanlovi Respublika bosqichi 1-, 2- va 3-o'rin g'oliblari esa oliy diniy ta'lim muassasalariga kirish uchun imtiyoz beruvchi diplom nusxasini ham taqdim etadi.

Horijiy davlatlardagi diniy ta'lim muassasalarini tamomlagan va mamlakatimizda nostrifikatsiyadan o'tkazilgan diplomga ega bo'lgan abituriyentlar (O'zbekiston Respublikasi fuqarolari) ham hujjat topshirishlari mumkin.

O'rta maxsus islom ta'lim muassasalariga o'qishga kirish istagida bo'lgan abituriyentlar Qabul hay'atiga quyidagi hujjatlarni taqdim etadi:
- ta'lim muassasasi rahbari nomiga ariza;
- pasport yoki ID karta nusxasi (asli ko'rsatiladi);
- ma'lumoti to'g'risida attestat yoki diplom (asl nusxasi);
- 3,5 x 4,5 hajmdagi 6 dona rangli fotosurat (so'nggi uch oyda olingan va orqa foni oq rangda bo'lishi talab etiladi);
- chet tilini bilishi to'g'risidagi sertifikat asl nusxasi (ma'lumoti to'g'risidagi hujjatda ko'rsatilgan chet tilidan boshqa tilda imtihon topshiruvchilar uchun).

Imom Buxoriy nomidagi Toshkent islom instituti Modul' ta'lim tizimiga o'qishga kirish istagida bo'lgan abituriyentlar Qabul hay'atiga quyidagi hujjatlarni taqdim etadi:
- ta'lim muassasasi rektori nomiga ariza;
- pasport yoki ID karta nusxasi (asli ko'rsatiladi);
- o'rta maxsus islom ta'lim muassasasini tamomlagani to'g'risidagi hujjat (diplom) va uning ilovasi asl nusxada;
- 3,5 x 4,5 hajmdagi 6 dona rangli fotosurat (so'nggi uch oyda olingan va orqa foni oq rangda bo'lishi talab etiladi);
- yashash joyi bo'yicha O'zbekiston musulmonlari idorasining Qoraqalpog'iston Respublikasi qoziyoti, viloyatlar va Toshkent shahar vakilidan tavsiyanoma;
- mehnat daftarchasi nusxasi (tasdiqlangan holda).

Eslatib o'tamiz: Modul' ta'lim tizimiga o'rta maxsus islom ta'lim muassasalarini tamomlagan hamda to'rt yil va undan ortiq muddat davomida O'zbekiston musulmonlari idorasi tizimidagi masjidlarda faoliyat yuritayotgan imom-xatib va imom noiblari tanlov asosida o'qishga qabul qilinadi.

Ma'lumot o'rnida: Oliy va o'rta maxsus diniy ta'lim muassasalarining test sinovlarida ishtirok etishi uchun abituriyentlardan bazaviy hisoblash miqdorining yarim baravari miqdorida to'lov undiriladi. Joriy yilda o'qishni tamomlagan va o'rta maxsus islom ta'lim muassasalariga xujjat topshirgan abituriyentlardan esa to'lov undirilmaydi.

Qabul jarayoniga oid so'nggi yangiliklarni kuzatib boring.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

“Odamlarni afv etadiganlar...”

16.07.2025   5420   4 min.
“Odamlarni afv etadiganlar...”

Abdurrazzoq San’oniy aytadi: Ali ibn Husayn roziyallohu anhum namoz uchun tahorat qilayotgan edi. Shu payt suv quyib turgan joriya qo‘lidan obdasta tushib ketib, uning yuziga ozgina shikast yetkazdi. Ali ibn Husayn boshini ko‘tarib, joriyaga qaradi. Joriya vaziyatni yumshatish maqsadida Qur’oni karim oyatlaridan o‘qidi: “... G‘azablarini yutadigan...” (Oli Imron surasi, 134-oyat). Ali ibn Husayn roziyallohu anhum jimgina javob berdi: “G‘azabimni bosdim”.

Joriya oyatning davomini o‘qidi: “...odamlar-ni (xato va kamchiliklarini) afv etadiganlardir...”.

U kishi dedi: “Men seni afv etdim”.

Joriya oyatning oxirini o‘qidi: “Alloh ezgulik qiluvchilarni sevar”.

Ali ibn Husayn roziyallohu anhum dedi: “Bor, sen Allox yo‘lida ozodsan”.

Abdulloh ibn Ato aytadi: “Ali ibn Husaynning bir g‘ulomi (quli) xatoga yo‘l qo‘ydi va jazoga loyiq bo‘ldi. Ali ibn Husayn qamchini oldi. So‘ng u zot bunday oyatni o‘qidi: “(Ey Muhammad!) Imon keltirgan kishilarga ayting, ular Alloh kunlari (qiyomat)dan umid qilmaydigan kimsalarni kechirib yuboraversinlar! Shunda (u sabrli) kishilarni qilgan ishlari (kechirishlari) sababli mukofotlagay!” (Josiya surasi, 14-oyat).

Qul esa dedi: “Men bunday emasman, men Allohning rahmatidan umidvorman va uning azobidan qo‘rqaman”.

Ali ibn Husayn roziyallohu anhum qamchini tashlab yubordi va dedi: “Sen Alloh yo‘lida ozodsan”.

Muso ibn Dovud aytadi: Ali ibn Husayn xizmatkorini ikki marta chakirdi, u javob bermadi. Uchinchi marta chaqirgach javob qildi. Ali ibn Husayn unga dedi: “Ey o‘g‘lim, ovozimni eshitmadingmi?”.

Xizmatkor: “Eshitdim”, dedi.

Ali ibn Husayn so‘radi: “Nega javob bermading?”.

Xizmatkor: “Sizning shafqatingizga ishondim”, dedi.

Abdulg‘ofir ibn Qosim aytadi: Ali ibn Husayn masjiddan chiqib ketayotgan edi. Bir odam kelib uni haqorat qildi. Shunda Alining xizmatkor va qullari unga tashlanishdi.

Ali ibn Husayn ularni to‘xtatdi va bunday dedi: “Bas qilinglar, uning holatiga qaranglar”.

So‘ngra o‘sha odamga dedi: “Bizda siz bilmagan yana ko‘p narsalar bor. Agar sizga yordam kerak bo‘lsa, ayting, yordam beraylik”. O‘sha odam xatosini anglab, uyaldi va ortiga qaytdi.

Ali ibn Husayn uni yoniga chaqirib, o‘zi kiyib turgan chakmonini yelkasiga tashladi va ming dirham pul berdirdi.

Abu Ya’qub Muzaniy deydi: Hasan ibn Hasan bilan Ali ibn Husayn o‘rtasida bir oz noxushlik bo‘lib qoldi. Hasan bir kuni masjidda Ali ibn Husaynning yoniga keldi, uni turli so‘zlar bilan haqorat qildi. Ali ibn Husayn esa unga bir og‘iz ham javob qaytarmadi.

So‘ngra Hasan chiqib ketdi. Kechasi u alining uyiga bordi va eshigini qoqdi. Ali ibn Husayn eshikni ochib chiqdi. Hasan unga:

- Ey aka, agar siz haqiqatan ham men aytganlarimdek bo‘lsangiz, Alloh meni mag‘firat qilsin. Agar men yolg‘onchi bo‘lsam, Allox sizni mag‘firat qilsin, dedi va ketdi.

Ali ibn Husayn ortidan borib, yetib oldi va uni og‘ushiga oldi. Ikkovi yig‘lab yuborishdi. Shunda Hasan:

- Qasamki, endi siz xafa bo‘ladigan biron ish qilmayman, - dedi.

Ali esa unga: - Sen ham menga aytgan so‘zla ring uchun halollikdasan,- dedi.

Ibn Abi Dunyo rivoyat qiladi: Ali ibn Husaynning xizmatkori shoshgan holda oshxonadan temir pechni olib kelayotgan edi. Kutilmaganda temir pech tushib ketdi ketdi va narigi tomondan pastga tushib kelayotgan Ali ibn Husayn o‘g‘lining boshiga tegib, jarohat yetkazdi. Oqibatda u halok bo‘ldi. Mehmonlar bilan suhbatlashib o‘tirgan Ali ibn Husayn o‘rnidan sakrab turib, xizmatkorga dedi: “Sen ozodsan. Bu ishni qasddan qilmaganingni bilaman”. So‘ngra Ali ibn Husayn mayyitni dafn etish tadorigini ko‘rdi.

Shayx Mahmud MISRIYning “Solih va solihalar hayotlaridan qissalar”
nomli asaridan Ilyosxon AHMЕDOV tarjimasi.