Qozonda Halqaro yoshlar kongresi o'tkaziladi
Shu yilning 8-11 noyabr' kunlari Qozon shahrida Islom hamkorlik tashkilotiga (IHT) a'zo mamlakatlarning Halqaro yoshlar ilmiy kongressi bo'lib o'tadi. Unda Rossiya va islom dunyosi davlatlaridan yosh olimlar ishtirok etadi.
IQNA agentligining “Islam today” matbuotiga tayanib xabar berishicha, tadbir davomida yosh olimlar arxitektura va dizayn, xalqaro huquq va ta'lim, neft' va gaz texnologiyalari, biotibbiyot va biotexnologiyalar, barqaror rivojlanish va xalqaro aloqalar kabi yo'nalishlardagi ilmiy tadqiqotlarni muhokama qiladi.
Kongress yalpi majlis, davra suhbatlari, interfaol seminar va madaniy dasturdan iborat bo'ladi.
IHT mamlakatlari ilmiy kongressi Rossiya va IHT davlatlaridan ishtirokchilarni yoshlar o'rtasida ilm-fanni rivojlantirishga jalb etadi, bu esa kelajakda fanning ilmiy-texnik va innovatsion rivojlanishida muvaffaqiyatlarga olib kelishi mumkin.
Kongress Yoshlar ishlari bo'yicha federal agentlik (Rosmolodej), Islom hamkorlik yoshlar forumi (ICMF) hamda IHT mamlakatlari ilmiy-texnikaviy hamkorlik bo'yicha vazirlar doimiy qo'mitasi (COMSTYeCH) ko'magida o'tkaziladi.
O'zbekiston musulmonlari idorasi
Matbuot xizmati
Sietl shahri 1 sentyabrni “O‘zbekiston Mustaqilligi kuni” deb e’lon qildi
AQSHning Sietl shahri meri Keti B. Uilson 2026 yil 1 sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.
Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.
Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.
Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investitsiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.
Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.
https://t.me/Rasmiy_axborot_official
