Misrdagi Qur'on radiosini har kuni 60 million kishi tinglaydi
Misr radiosi rahbari Muhammad Nur Qur'on radiosini mamlakatdagi eng mashhur efir deb ta'riflab, bunday dedi: Misrda har kuni 60 million kishi Qur'on radiosini tinglaydi.
IQNA saytining “Youm7”ga tayanib xabar berishicha, Misr radiosi rahbari Muhammad Nur Misr radiosi tashkil etilganining 90 yilligiga bag'ishlangan interv'yuda bunday dedi: Misr radiosi 8 ta radiokanaldan iborat. Har bir kanalning odamlar orasida o'ziga xos mashhurligi bor. Ammo Qur'oni karim radiosi Misrdagi eng muhim radio hisoblanadi.
Uning so'zlariga ko'ra, so'nggi bir necha yil ichida ushbu radioning tinglovchilari soni 50 milliondan 60 millionga oshgan va uni xalq orasida etakchi tarmoq deb hisoblash mumkin.
Avvalroq, Misr Vaqflar va islom ishlari vazirligi rasmiylari radio tashkil etilganidan buyon ilk bor Misrdagi Qur'oni karim radiosiga Qur'on o'qish uchun 12 nafar yosh Qur'on olimi ishga olinishini ma'lum qilgan edi.
O'zbekiston musulmonlari idorasi xodimi
Matbuot xizmati.
"Buxoro: sharafli o‘tmishdan buyuk istiqbol sari" nomli yangi kitob-albom nashr etildi
Bahouddin Naqshband ilmiy-tadqiqot markazi bosh ilmiy xodimi, dots.nt Azalshoh Hamroyev hammuallifligida «Buxoro: sharafli o‘tmishdan buyuk istiqbol sari» nomli salmoqli kitob-albom chop etildi.
Turkiyaning Istanbul shahridagi nufuzli «Mega basim» nashriyotida yuqori poligrafik sifatda chop etilgan ushbu 384 betlik asar o‘zbek, rus va ingliz tillarida tayyorlangan.
Kitob-albomda Islom sivilizatsiyasi beshiklaridan biri bo‘lgan ko‘hna Buxoroi Sharifning uch ming yillik shonli tarixi, boy ma’naviy-madaniy merosi, shuningdek, buyuk allomalar yurtidagi muqaddas qadamjolarning o‘rni alohida e’tirof etilgan.
Shu bilan birga, nashrda Yangi O‘zbekistonda so‘nggi yillarda amalga oshirilayotgan keng ko‘lamli islohotlar, yurtimizda diniy-ma’rifiy sohada olib borilayotgan ijobiy o‘zgarishlar, bunyodkorlik ishlari va ijtimoiy taraqqiyot yuqori sifatli suratlar, aniq ma’lumotlar hamda ilmiy asoslangan matnlar orqali ochib berilgan.
Mazkur nashr nafaqat tarixiy va ma’rifiy merosni o‘rganishda qimmatli manba, balki yurtimizdagi tinchlik-osoyishtalik, taraqqiyot va ma’naviy yuksalishning yorqin ko‘zgusi bo‘lib xizmat qiladi.
Yangi kitob-albom ma’rifatparvar xalqimiz va kitobxonlarga muborak bo‘lsin!
O‘zbekiston musulmonlari idorasi
Matbuot xizmati
