Bu yil 1.8 milliondan oshiq hoji haj amalini ado etdi
Saudiya Arabistoni Podshohligi statistika bosh boshqarmasi haj amallarini bajarish uchun kelgan ziyoratchilar sonini e'lon qildi. Unga ko'ra:
– Bu yil 1 million 833 ming 164 nafar kishi haj amalini ado etgan. Shundan ichki ziyoratchilar soni 221 ming 854 nafar.
– Hojilarning 958 137 nafari erkak, 875 027 nafari esa ayollardir.
– Ziyoratchilarning 22,3 foizi arab, 63,3 foizi esa Osiyo, 11,3 Afrika davlatlaridan, Yevropa Amerika, Avstraliya va boshqa mamlakatlardan kelgan ziyoratchilar soni esa 3,2 foizni tashkil etgan.
– Ziyoratchilarning asosiy qismi havo yo'llari orqali kelgan.
– Bu yil yurtimizdan 15 ming 130 nafar fuqaro haj ibodatiga muyassar bo'ldi.
– Eslatib o'tamiz: 22 iyundan 12 iyulga qadar hojilarimizni Jidda shahridan O'zbekistonga olib kelish ishlari amalga oshiriladi.
O'zbekiston musulmonlari idorasi
Matbuot xizmati
Qiyomat kuni dahshatli emas!
Qiyomat kuni ba’zilar o‘ylaganidek dahshatli emas, balki u Kun ahdiga sodiq bo‘lgan va o‘sha Kun uchun amal qilganlar uchun ajoyib va go‘zal kun bo‘ladi: “Ularni buyuk dahshat mahzun qilmas” (Anbiyo surasi, 103-oyat).
Ular qayta tirilganlarida va farishtalar ularni kutib turganini ko‘rganlarida, u Kun ajoyib kun bo‘ladi: “Farishtalar ularni: «Bu sizlarga va’da qilingan kuningizdir», – deya kutib olurlar” (Anbiyo surasi, 103-oyat).
Ular shodlikdan butun olamga jar solganda u Kun ajoyib kun bo‘ladi: “Mana, mening kitobimni o‘qib ko‘ringlar!” (Haaqqo surasi, 19-oyat).