Sayt test holatida ishlamoqda!
18 Noyabr, 2026   |   8 Jumadul soni, 1448

Toshkent shahri
Tong
05:52
Quyosh
07:09
Peshin
12:13
Asr
15:20
Shom
17:04
Xufton
18:20
Bismillah
18 Noyabr, 2026, 8 Jumadul soni, 1448

Vojib bo'ldi

20.06.2024   5704   3 min.
Vojib bo'ldi

Anas ibn Molik roziyallohu anhu aytadi:

«Bir janozani olib o'tishdi. U haqda yaxshi gap aytishdi. Nabiy sollallohu alayhi vasallam: «Vojib bo'ldi», dedilar.

So'ngra boshqasini olib o'tishdi. U haqda yomon gap aytishdi. U zot: «Vojib bo'ldi», dedilar.

Shunda Umar ibn Hattob roziyallohu anhu: «Nima vojib bo'ldi?» dedi. U zot: «Uning haqida yaxshi gap aytdingiz, unga jannat vojib bo'ldi. Buning haqida yomon gapaytdingiz, bunga do'zaxvojib bo'ldi. SizlarAllohning er yuzidagi guvohlarisiz», dedilar» (Sahihi Buxoriy1367).

Ibn Hajar rahimahulloh mazkur hadisni «Fathul bariy»ning 3-juz 273-sahifasida quyidagicha sharhlaydi:

Bu erda fosiqlarniki emas, balki solih va munosib odamlarning guvohligi qabul qilinadi, chunki fosiqlar faqat o'zlariga o'xshaganlarni maqtaydi. Chunki hadisdagi holatda Rasululloh sollallohu alayhi vasallam atroflarida solih insonlar bor edi. Ularning ikkita marhum haqida aytgan gaplari qabul qilindi, chunki ular sahobalardir.

Shuningdek, marhumda shaxsiy husumati va adovati bor odamning guvohligi qabul qilinmaydi.

Shunday ekan, hammaga ozor beruvchi, ziyonkor odam vafot etsa, uni o'ziga o'xshagan odamlar maqtashi yuqoridagi hadisga ko'ra o'sha odamga jannat vojib bo'ldi, deb aytilmaydi.

Yoki bir solih inson vafot etib, dushmanchiligi bor odamlar uni yomonlashsa, hadisda aytilganidek, o'sha insonga do'zax vojib bo'ldi, deyilmaydi. Balki guvohlik beruvchilarning axloqiy holatiga e'tibor beriladi.

Zero, Alloh taolo marhumni ham, unga guvohlik berayotganlarni ham, kim solih va rost so'zlayotganini ham juda yaxshi biladi.

 Obloqulov A_''ZAM,

G'allaorol tumanidagi

“Sayfin ota” jome masjidi

imom-xatibi

Maqolalar
Boshqa maqolalar
Yangiliklar

YURTIMIZ BAYROG‘I QABUL QILINGANIGA 35 YIL TO‘LDI!

18.11.2026   1104   1 min.
YURTIMIZ BAYROG‘I QABUL QILINGANIGA 35 YIL TO‘LDI!

Bugun, 18 noyabr – O‘zbekiston Respublikasining Davlat bayrog‘i qabul qilingan tarixiy kun. Ushbu qutlug‘ sanaga roppa-rosa 35 yil to‘ldi.

Bayrog‘imiz shunchaki mato emas, u xalqimizning ozodligi, tinchligi va milliy g‘ururini o‘zida mujassam etgan muqaddas timsoldir. Undagi har bir rang va belgida teran hikmat bor: moviy rang – kuch-qudrat va barqarorlik, oq rang – poklik va beg‘uborlik, yashil rang esa asriy qadriyatlarimiz, ona tabiatimiz va iymon-e’tiqodimiz ramzidir.

Qizil chiziqlar tomirimizdagi ajdodlar qonini, hilol — ezgulik, orzu-umidlar va Islom dinini, o‘n ikki yulduz esa mukammallikni, buyuk tariximiz va Sohibqiron bobomizning davlat boshqaruvidagi o‘n ikki tamoyilini anglatadi. Bugun ushbu muborak ramzimiz Birlashgan Millatlar Tashkiloti binosida 193 mustaqil davlat qatorida hilpirab, jahon ahliga O‘zbekiston degan tinchliksevar, hamjihat yurt borligini namoyon etmoqda.

Parvardigori olam jonajon Vatanimiz osmonini hamisha musaffo, xalqimiz hayotini tinch va farovon qilsin! Davlatimiz bayrog‘i dunyo minbarlarida doimo balandlarda hilpirab tursin.

O‘zbekiston musulmonlari idorasi Matbuot xizmati

O'zbekiston yangiliklari