Ilgari “Halkopratea” cherkovi sifatida tanilgan va Istanbul fathidan so'ng “Lala Hayrettin” masjidiga aylantirilgan 1600 yillik tarixiy maskan yana mahalliy va xorijlik mehmonlarni qabul qila boshladi.
“Islom poytaxti” internet resursiga ko'ra, qadimiy inshoot restavratsiyadan so'ng prezident Rajab Toyyib Erdug'on tomonidan rasman qayta ochilgan.
20-asr boshlarida sodir bo'lgan zilzila tufayli masjidning ko'p qismi qulab tushgan. 1960-yillarda masjid maydonida olib borilgan qazishmalar Vizantiya va Usmonli davriga oid tafsilotlarni ochib berdi.
Uni qayta tiklash ishlari 15 yil oldin keng ko'lamli reja bo'yicha boshlangan edi.
O'zbekiston musulmonlari idorasi Matbuot xizmati
Bugun, 28 may kuni chorshanba kuni O‘zbekiston musulmonlari idorasi raisi o‘rinbosari Muhammadolim domla Muhammadsiddiqov fuqarolarni qabul qilib, ularning murojaat va takliflarini tingladi.
Qabul jarayonida Samarqand, Toshkent viloyatlari va poytaxtimizning turli tumanlaridan kelgan fuqarolar tomonidan bildirilgan shar’iy masalalar, ishga joylashish, oilaviy munosabatlar, moddiy yordam va sohani rivojlantirishga mulohazalar atroflicha o‘rganildi.
Shuningdek, mas’ullarga tegishli masalalarni qisqa muddatlarda hal etish yuzasidan topshiriqlar berildi.
O‘zbekiston musulmonlari idorasi
Matbuot xizmati