Koll-markaz 7 tilda 50 ming savolga javob berdi
1445 hijriy sanasidagi haj mavsumi boshlanganidan buyon Saudiya Arabistoni Sog'liqni saqlash vazirligi 937 sall-markazi orqali 47 mingdan ortiq qo'ng'iroqlarni qabul qilib, ziyoratchilarga bir necha tillarda xizmat ko'rsatgan, deb yozadi IslamNews.
Ko'rsatilayotgan xizmatlar orasida ziyoratchilarni qiziqtirgan savollarga javob berish, tibbiy maslahatlar berish, murojaatlarni ro'yxatga olish kabilar o'z ichiga olgan bo'lib, ular o'z vaqtida va tezkorlik bilan ko'rib chiqildi.
Sog'liqni saqlash markazi ushbu 1445 Haj mavsumida barcha mavjud kanallar orqali haj ziyoratchilariga sifatli xizmat ko'rsatishda davom etmoqda. U kun bo'yi barcha so'rovlar, tibbiy maslahatlar va shoshilinch shikoyatlarni qabul qiladi va ko'rib chiqadi.
Markaz shuningdek, muqaddas qadamjolardagi barcha tibbiyot muassasalarida bedarak yo'qolgan va kasalxonaga yotkazilgan ziyoratchilarni qidirishga yordam beradi, etti tilda: ingliz, urdu, frantsuz, indonez, turk, fors va arab tillarida faoliyat olib boradi.
O'zbekiston musulmonlari idorasi
Matbuot xizmati
O‘zbekiston musulmonlari idorasida navbatdagi “Fuqarolar qabuli” bo‘lib o‘tdi
Har haftaning chorshanba kuni O‘zbekiston musulmonlari idorasida an’anaviy tarzda tashkil etiladigan fuqarolar qabuli bu safar ham aholi vakillarining murojaatlarini o‘rganish, muammolarga yechim topishga qaratildi.
Joriy haftadagi qabulda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov poytaxtimizdan hamda yurtimizning turli shahar va tumanlaridan tashrif buyurgan fuqarolarning shaxsiy va jamoaviy masalalari, taklif va mulohazalarini tingladi.
- - Aholi vakillari tomonidan turli masalalar bo‘yicha shar’iy hukmlar, ularning amaliy tatbiqlari yuzasidan savollar berildi;
- - Nikoh, oilaviy munosabatlar, farzand tarbiyasi kabi mavzulardagi murojaatlar ko‘rib chiqildi;
- - Ayrim ehtiyojmand fuqarolar tomonidan tushgan moddiy ko‘mak so‘rovlari tegishli tartibda ko‘rib chiqilishi belgilandi;
- - Sohani yanada rivojlantirish, masjidlarni obod qilish, yoshlar o‘rtasida ilmiy-ma’rifiy targ‘ibotlarni kuchaytirish kabi bir qator konstruktiv takliflar bildirildi.
Qabul yakunida mas’ullarga aniq topshiriqlar berilib, fuqarolar murojaatlarini tezkor va adolatli hal etish bo‘yicha choralar belgilandi. Shu bilan birga, fuqarolar bilan bevosita muloqot qilish, ularning fikrlarini eshitish va islohotlarga jamoatchilikni faol jalb etish borasidagi ishlar doimiy e’tiborda ekani ta’kidlandi.
O‘zbekiston musulmonlari idorasi
Matbuot xizmati
