«Yil rahbari» nufuzli tanlovda g'olib aniqlandi
Britaniyada o'tkazilgan «Yil rahbari» nufuzli tanlov mukofotiga xalqaro xayriya tashkilotining birinchi ayol bosh rahbari Ridvana Uolles Laher sazovor bo'ldi.
Uolles Laher 1 sentyabr' kuni Birmingemda bo'lib o'tgan taqdirlash marosimida bosh sovrinni qo'lga kiritdi. Bu haqda Wakefield Express manbasi xabar berdi.
«British Asian Professional Awards 2023»tanlovida «Yilning bosh rahbari» mukofotini qo'lga kiritish men uchun sharafdir», deydi Uolles Laher.
– Bu e'tirof nafaqat shaxsiy yutuq, balki jamoamning sa'y-harakatlari va ijobiy o'zgarishlarni ilgari surish majburiyatimizga hurmatdir. Men xilma-xillik va inklyuzivlikni qadrlaydigan jamiyatning bir qismi ekanligimdan faxrlanaman. Bundan keyin ham muvaffaqiyat va imkoniyatlar yo'lini kengaytirishda davom etaman.
Oceanic Consulting tomonidan tashkil etilgan Britaniya Osiyo Professional mukofotlari Britaniya hamjamiyatida muhim rol' o'ynaydi.
Uolles Laher shu yil boshida xalqaro musulmon xayriya tashkilotining yangi bosh ijrochi rahbari etib tayinlangan. U birinchi musulmon ayol sifatida tarixga kirdi.
U ta'lim va xayriya sohasida qariyb 20 yildan beri etakchilik qilib kelmoqda. Katta tajribaga ega bo'lgan Uolles Laher innovatsiyalar, hamkorlik va raqamli transformatsiyani targ'ib etish orqali tashkiliy o'sish va diversifikatsiyani rag'batlantirdi.
Sietl shahri 1 sentyabrni “O‘zbekiston Mustaqilligi kuni” deb e’lon qildi
AQSHning Sietl shahri meri Keti B. Uilson 2026 yil 1 sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.
Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.
Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.
Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investitsiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.
Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.
https://t.me/Rasmiy_axborot_official
