Turkiya Ayasofiya masjidi ta'mirini boshladi
Turkiya Madaniyat va turizm vazirligi Istanbulning eng muhim tarixiy joylaridan biri Ayasofii masjidida ta'mirlash ishlari boshlanganini ma'lum qildi.
IQNA agentligi “Hurriyet Daily” nashriga tayanib xabar berishicha, Turkiya Madaniyat va turizm vazirligi mamlakatning eng yirik shahridagi eng muhim tarixiy maskanlardan biri bo'lgan Ayasofiya masjidini ta'mirlash ishlari boshlanganini bildirdi.
Vazirlik bayonotiga ko'ra, Turkiya Madaniyat va turizm vazirligi tomonidan boshlangan ta'mirlash loyihasi 1 500 yillik binoning “asrlar davomida qadimiyligini yo'qotgani” uchun amalga oshirilmoqda.
Mutaxassislar eramizdan avvalgi 6-asrga oid bu tarixiy bino ichi va tashqarisida katta zararni aniqladi.
50 yildan ortiq davom etishi mumkin bo'lgan yangilash va ta'mirlash ishlari ob'ektni to'liq yopib qo'ymasdan, bosqichma-bosqich amalga oshiriladi, dedi rasmiylar.
Dastlab, ibodatxona, keyinroq Usmonli imperator masjidi sifatida faoliyat yuritgan bu tarixiy bino 1935 yilda muzey sifatida qayta ochilgan va Usmonli hamda Vizantiya san'atining o'ziga xos xususiyatlarini namoyish etadi. 2020 yilda bu bino yana masjidga aylantirildi.
O'zbekiston musulmonlari idorasi
Matbuot xizmati
Indoneziya Haj va Umra vaziri Buxoroga tashrif buyurdi
7–8 sentabr kunlari Indoneziya Haj va Umra vaziri Muhammad Irfon Yusuf boshchiligidagi delegatsiya Buxoro viloyatiga tashrif buyurdi.
Mehmonlarni temir yo‘l vokzalida viloyat hokimi o‘rinbosari B.Shahriyorov, A.Qalandarovlar boshchiligidagi mutasaddilar kutib oldi.
Hokim o‘rinbosari B.Shahriyorov, A.Qalandarov , turizm boshqarmasi boshlig‘i A.Rajabov va bosh imom-xatib J.Elov ishtirokidagi uchrashuvda Buxoroning islom sivilizatsiyasi tarixidagi o‘rni, muqaddas qadamjolar va allomalar merosini targ‘ib qilish, ziyoratchilar oqimini oshirish hamda yangi ziyorat turizmi yo‘nalishlarini shakllantirish masalalari muhokama qilindi.
Jakarta–Buxoro yo‘nalishida charter va to‘g‘ridan to‘g‘ri aviaqatnovlar yo‘lga qo‘yish imkoniyatlari ham ko‘rib chiqildi.
Imom al-Buxoriy, Abduxoliq G‘ijduvoniy va Bahouddin Naqshband merosini Indoneziyada targ‘ib qilish maqsadida Jakartadagi oliy ta’lim muassasalari va turistik kompaniyalarda ma’ruza hamda targ‘ibot tadbirlarini tashkil etish taklif qilindi.
Delegatsiya Bahouddin Naqshband majmuasi va Buxoroning tarixiy markazlari bilan tanishib, shaharning ziyorat turizmi salohiyati haqida ma’lumot oldi.
Tashrif — Buxoro va Indoneziya o‘rtasidagi ziyorat turizmi, diniy-ma’rifiy hamda madaniy aloqalarni yangi bosqichga olib chiqish yo‘lidagi muhim qadam bo‘ldi.
O‘zbekiston musulmonlari idorasi Matbuot xizmati
