Nochorlarga bepul taom
Suriyalik er-xotin Holid va Dalal o'n yil oldin Angliyaga hech vaqosiz kelishgan edi. Holid oilani butlash uchun bor oshga qo'l urdi. Pul yig'ib ko'chma oshxona bilan jihozlangan mikroavtobus sotib oldi. Hozirda unda Suriya milliy taomlarini tayyorlanyapti.
Ularning tamaddixonasi kichik, daromadi ham kam bo'lishiga qaramasdan, er-xotin ishsiz, nochor, uysizlarga bepul taom tarqatadi.
“Biz och qolish nima ekangini yaxshi bilamiz va hech kim buni boshdan kechirishini istamaymiz", deya ta'kidladi Holid.
"Vaqf" fondi va Turkiya diyonat vaqfi hamkorligi yangi bosqichda
Joriy yilning 26 avgust kuni O‘zbekiston musulmonlari idorasida «Vaqf» xayriya jamoat fondi hamda Turkiya Diyonat vaqfi mas’ul xodimlari ishtirokida videokonferensiya formatida muloqot bo‘lib o‘tdi.
Uchrashuvda ikki muassasa o‘rtasida imzolangan memorandum va uning asosida ishlab chiqilgan yo‘l xaritasidagi vazifalar ijrosi atroflicha muhokama qilindi. Tomonlar sheriklik aloqalarini mustahkamlash hamda uning amaliy mexanizmlarini belgilab olish masalalariga alohida e’tibor qaratdilar.
Muloqot davomida vazifalarning joriy holati tahlil qilinib, istiqbolda amalga oshiriladigan qo‘shma tashabbuslar va ijtimoiy loyihalar borasida o‘zaro tajriba almashishga kelishib olindi. Xususan, ta’lim va madaniyat sohalaridagi qo‘shma tashabbuslar, yoshlar bilan ishlash va ijtimoiy loyihalarni hayotga tatbiq etish, xorijiy xayriya xizmatlarini tashkil etish hamda zakot va xayriya munosabatlarini yanada rivojlantirish kabi o‘zaro manfaatli yo‘nalishlar bo‘yicha atroflicha fikr almashildi.
Ta’kidlash joizki, mazkur muloqot ikki qardosh davlat vaqf fondlari o‘rtasidagi diniy-ma’rifiy va saxovat yo‘nalishidagi aloqalarni yangi bosqichga olib chiqishga xizmat qiladi.
O‘zbekiston musulmonlari idorasi
Matbuot xizmati
