Audit tashkilotlari diqqatiga!
“VAQF” xayriya jamoat fondi 2019 yil faoliyati uchun milliy audit standarti bo‘yicha majburiy audit tekshiruvidan o‘tqazish yuzasidan audit tashkilotini tanlash bo‘yicha tanlov e’lon qiladi.
Tanlovda qatnashchilar quyidagi hujjatlar solingan va muhrlangan konvertni taqdim etishlari kerak:
1) Audit tashkilotining tashkiliy xuquqiy shakli, joylashgan yeri, pochta manzili, telefon aloqa raqami to‘g‘risidagi ma’lumotlar;
2) Litsenziyalar, rahbar imzosi va tashkilotning muhri, sug‘urta polisi, davlat ro‘yxatidan o‘tganligi to‘g‘risidagi guvohnoma bilan tasdiqlangan nusxalari;
3) Shartnoma predmeti, ariza beruvchining yuridik shaxslar faoliyatining umumiy auditini o‘tkazish tajribasini ko‘rsatgan holda rahbarning imzosi va audit tashkilotining muhri bilan tasdiqlangan tijorat taklifi;
4) Rahbar imzosi va tashkilot muhri bilan tasdiqlangan xujjatlar, jumladan mutaxassislarning tarkibi va malakasini tasdiqlovchi hujjatlar, auditorlik tashkilotida mehnat shartnomasi bo‘yicha ishlaydigan sertifikatlarga ega bo‘lgan xodimlar soni;
5) Audit tashkiloti tomonidan auditorlik xizmatlarining narxini ko‘rsatgan holda, moliyaviy hisobotlarning majburiy auditi taqdim etish to‘g‘risida imzolangan shartnoma loyihasi.
Yuqorida ko‘rsatilgan hujjatlar muhrlangan konvertda quyidagi manzilga taqdim qilish so‘raladi:
Toshkent shahri, Qorasaroy ko‘chasi, 47 “Vaqf” xayriya jamoat fondi
(mo‘ljal Hazrati Imom majmuasi).
Taqdim qilish muddati: e’lon berilgan kundan boshlab 5 (besh) ish kuni.
Tanlov tijorat takliflari topshirishning oxirgi kunidan keyingi ish kunida o‘tkaziladi.
Ma’lumotlar uchun: 78-150-64-36, 78-150-64-37
Ota-onani hurmatlash odoblari
Ota-onaning roziligini olishga intilish fazilati barcha fazilatlarning negizi, borliqdagi har qanday haq-huquqlarning kelib chiqadigan asosidir.
Ota-onalar, bola tarbiyasi bilan shug‘ullanayotgan tarbiyachilar farzandlarga quyidagi odatlarni singdirishlari maqsadga muvofiq:
Gunohga sabab bo‘lmasa, otaonaning buyurganlarini albatta bajarish; ota-onaga muloyim so‘zlash; uyga kirganlarida, hurmatlari uchun o‘rnidan turish; har tong salom berish, uyqudan oldin xayrli tun tilash; mol-mulklarini saqlash; so‘ragan narsalarini berish; ulardan maslahat so‘rash; ota-ona haqiga duo va istig‘for aytish; ular mehmon kutishsa, yonlarida muntazir bo‘lib turish; ularning aytishlarini kutmay, ularni xursand qiladigan ishlarni bajarish; ularning huzurlarida ovozni baland ko‘tarmaslik; gaplarini bo‘lmaslik; izn berishmagan joyga bormaslik; uxlayotganlarida bezovta qilmaslik; ahli ayoli, farzandlarini ulardan ustun qo‘ymaslik; ota-ona xatoga yo‘l qo‘ysalar, bilmaslikka olish, darhol kechirib, unutish; kulgili gap bo‘lsa ham, ularning huzurlarida o‘zini tutish; ular yaxshi ko‘radigan taomni ilinish; ulardan oldin taomga qo‘l cho‘zmaslik; ularning oldilarida cho‘zilib yotmaslik, oyoq uzatmaslik; uyga ulardan oldin kirmaslik, oldilariga tushib yurmaslik; chaqirganlarida tezlik bilan javob berish; ularning hayotliklarida ham, vafot etganlaridan keyin ham do‘stlarini hurmat qilish; ota-onasining hurmatini qilmaydiganlar bilan do‘stlashmaslik; ularning haqlariga duo qilish; vafotlaridan keyin Allohning quyidagi kalomini ko‘p aytish: «Ey, Rabbim! Meni ular go‘daklik chog‘imda tarbiyalaganlaridek, Sen ham ularga rahm qilgin!» (Isro surasi, 24-oyat).
Ibrohimjon INOMOV tayyorladi.
“Islom nuri” gazetasining 2026 yil 10-sonidan
http://hidoyatuz.taplink.ws
