Bandalariga ro‘za tutishni farz qilgan Alloh taologa hamdu sanolar, Ro‘za amallarini go‘zal tarzda ado qilishda yo‘lboshchi bo‘lgan Sayyidimiz Muhammad sollallohu alayhi vasallamga salovot va salomlar bo‘lsin.
Albatta, Ramazon islomiy oylar ichida fazilatlarga boy va barakali oylardan hisoblanadi. Bu oyda hidoyat qo‘llanmasi bo‘lgan Qur’oni Karimning nozil bo‘lishi ham, bu oyning eng afzal oy ekaniga dalolat qiladi. Shuningdek, bu oyning fazilati va barkasi borasida Rasululloh sollallohu alayhi vasallamdan juda ko‘plab hadisi-shariflar rivoyat qilingan.
قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: إِذَا دَخَلَ رَمَضَانُ فُتِّحَتْ أَبْوَابُ الجَنَّةِ ، وَغُلِّقَتْ أَبْوَابُ جَهَنَّمَ ، وَسُلْسِلَتِ الشَّيَاطِينُ رواه البخاري (3277) ، ومسلم (1079).
Rosululloh sollallohu alayhi vasallam: «Ramazon oyi kelishi bilan jannat eshiklari ochilib, do‘zax eshiklari yopiladi va shaytonlar kishanlanadi» - dedilar. Muttafaqun a’layh.
Haqiqatda, Ramazon oyining fazilatlari va barakotlari juda ham ko‘p. Bu borada juda ko‘p mavi’zalarda eshitib, ko‘plab maqolalar orqali xabardor bo‘lganmiz. Lekin, bugun e’tiborimizni boshqa tomonga qaratamiz. Ya’ni, bu oyning fazilatlari ko‘p bo‘lish bilan birga, tarixda bu ulug‘ kunda juda ko‘plab muhim tarixiy voqealar bo‘lib o‘tgan. Quyida ularni birma- bir sanab o‘tamiz.
Ramazonning birinchi kuni:
1) 2-hijriy yil Dushanba. Musulmonlar birinchi marta ramazon ro‘zasini tutdilar.
2) Ibrohim alayhissalomga ilohiy sahifalar tusha boshlagan.
3) Hijriy 73-yil. Abdulloh ibn Umar roziyallohu anhu vafot etdilar.
4) Hijriy 91- yil. Andalusni fath qilish boshlangan.
5) Hijriy 472- yil. Abu Ali ibn Sino vafot etdi.
Ramazonning ikkinchi kuni:
1) Hijriy 65-yil. Abdumalik ibn Marvon Umaviy xalifa etib tayinlandi.
Ramazonning uchinchi kuni:
1) Hijriy 11- yil. Fotimai Zahro roziyallohu anho vafot etdilar.
2) Hijriy 37- yil. Tahkim voqeasi bo‘lib o‘tdi.
Ramazonning to‘rtinchi kuni:
1) Hijriy 1- yil. Hamza roziyallohu anhu birinchi sariyaga chiqdilar.
2) Hijriy 666 - yil. Antokiya Slavyanlardan qaytarib olindi.
Ramazonning oltinchi kuni:
1) Muso alayhissalomga Tavrot sahifalari tusha boshladi.
2) Hijriy 63- yil. Musulmonlar Sind shahrini fath qildilar.
Ramazonning yettinchi kuni:
1) Hijriy 361- yil. Al-Azhar universiteti ochildi.
Ramazonning sakkizinchi kuni:
1) Hijriy 273- yil. Ibn Moja rohimahulloh vafot etdilar.
2) Hijriy 455- yil. Alp Arslon Saljuqiylar voliysi etib tayinlandi.
Ramazonning o‘ninchi kuni:
1) Payg‘ambarlikning 10-yili, hijratdan 3 yil avval. Xadiyja roziyallohu anhu vafot etdilar.
2) Hijriy 485-yil. Nizomul mulk Abul Hasan Aliy ibn Ishoq o‘ldirildi.
Ramazonning o‘n birinchi kuni:
1) Hijriy 3-yil. Rosululloh sollallohu alayhi vasallam Zaynab binti Xuzayma roziyallohu anhoga uylandilar.
2) Hijriy 9-yil. Saqif qabilasi elchilari Rosululloh sollallohu alayhi vasallam huzurlarida bo‘ldi.
3) Hijriy 95- yil. Sai’d ibn Jubayr vafot etdilar.
4) Hijriy 624- yil. Chingizxon vafot etgan.
5) Hijriy 922- yil. Sulton Salim Damashqni fath qildi.
Ramazonning o‘n ikkinchi kuni:
1) Hijriy 597- yil. Ibn Javziy rohimahulloh vafot etdilar.
Ramazonning o‘n uchinchi kuni:
1) Hijriy 15-yil. Umar roziyallohu anhu Shomni egalladilar
2) Hijriy 40- yil. Abu Luboba roziyallohu anhu vafot etdilar.
Ramazonning o‘n to‘rtinchi kuni:
1) Hijriy 132-yil. Abbosiylar Umaviylar poytaxti Damashqqa hujum qilishdi.
2) Hijriy 612- yil. Ibn Atoulloh Sakandariy tavallud topdilar.
Ramazonning o‘n beshinchi kuni:
1) Hijriy 3-yil. Hasan ibn Aliy roziyallohu anhu dunyoga keldilar.
2) Hijriy 37-yil. Muhammad ibn Abu Bakr roziyallohu anhu Misrga voliy etib tayinlandilar.
3) Hijriy 383- yil. Abu Bakr Xorazmiy vafot etdilar.
4) Hijriy 543- yil. Fahriddin ar-Roziy dunyoga keldilar.
Ramazonning o‘n yettinchi kuni:
1) Hijriy 2-yil. Katta Badr g‘azoti bo‘lib o‘tdi.
2) Hijriy 2-yil. Ruqayya (roziyallohu anho) binti Rosululloh sollallohu alayhi vasallam vafot etdilar.
3) Hijriy 85-yil. Mo‘minlar onasi Oyisha roziyallohu anho vafot etdilar.
4) Hijriy 124- yil. Muhammad ibn Muslim az-Zuhriy vafot etdilar.
Ramazonning o‘n sakkizinchi kuni:
1) Hijriy 21- yil. Xolid ibn Valid vafot etdilar.
2) Hijriy 560- yil. Muhyiddin ibn Arabiy dunyoga keldi.
Ramazonning yigirmanchi kuni:
1) Hijriy 8-yil Makka fath qilindi.
2) Hijriy 652- yil. Sayfuddin Qutuz dunyoga keldilar.
Ramazonning yigirma birinchi kuni:
1) Hijriy 40- yil. Aliy ibn Abu Tolib roziyallohu anhu vafot etdilar.
2) Hijriy 95- yil. Hajjoj ibn Yusuf as-Saqofiy dunyoga keldi.
3) Hijriy 1353- yil. Fors yurti Eron davlati deb o‘zgartirildi.
Ramazonning yigirma uchinchi kuni:
1) Hijriy 9-yil Musulmonlar «Lot» nomli butni buzib tashlashdi.
2) Hijriy 26- yil. Yazid ibn Muoviya tug‘ildi.
Ramazonning yigirma to‘rtinchi kuni:
1) Hijriy 20- yil. Amr ibn Os masjidini qurish boshlandi.
Ramazonning yigirma beshinchi kuni:
1) Hijriy 8-yil. Xolid ibn Valid roziyallohu anhu «Uzzo» nomli ibodatxonani buzib tashladilar.
2) Hijriy 129-yil. Abu Muslim Xurosoniy Umaviylarga qarshi qo‘zg‘olon boshladi.
3) Hijriy 544- yil. Faxruddin ar-Roziy tavallud topdilar.
4) Hijriy 658- yil. «Ayni jolut» jangi bo‘lib o‘tdi.
Ramazonning yigirma oltinchi kuni:
1) Hijriy 762- yil. Badruddin Ayniy rohimahulloh dunyoga keldilar.
Ramazonning yigirma yettinchi kuni:
1) Hijriy 927- yil. Belgrad fath etildi.
Ramazonning yigirma sakkizinchi kuni:
1) Hijriy 2-yil. Zakot farz bo‘ldi.
Ramazonning yigirma to‘qqizinchi kuni:
1) Hijriy 1425- yil. Yosir Arafot vafot etdi.
Ramazonning o‘ttizinchi kuni:
1) Hijriy 256- yil. Imom Buxoriy vafot etdilar.
2) Hijriy 384- yil. Imom ibn Hazm dunyoga keldilar.
Muhammad Ali Muhyiddin.
YUNЕSKO Ijroiya kengashi O‘zbekistonning “Globallashuv va iqlim o‘zgarishi sharoitida madaniy merosni asrash chora-tadbirlari samaradorligini oshirish” to‘g‘risidagi qarori loyihasini bir ovozdan ma’qulladi, deb xabar bermoqda “Dunyo” AA.
Mazkur qaror tashkilotning Parijdagi bosh qarorgohida Ijroiya kengashning 225-sessiyasi doirasida qabul qilindi. Ushbu tashabbusni O‘zbekiston Prezidenti Shavkat Mirziyoyev o‘tgan yilning 30 oktyabr kuni Samarqandda YUNЕSKO Bosh konferensiyasining 43-sessiyasi ochilishida ilgari surgan edi.
Qabul qilingan hujjat moddiy va nomoddiy madaniy merosni iqlim o‘zgarishi, tabiiy ofatlar, jadal urbanizatsiya va ijtimoiy-iqtisodiy o‘zgarishlar kabi zamonaviy global xavf-xatarlardan himoya qilishda xalqaro hamkorlikni mustahkamlashga qaratilgan.
Hujjatda YUNЕSKOga a’zo davlatlar, xalqaro tashkilotlar va ilmiy hamjamiyat o‘rtasidagi hamkorlikni rivojlantirish, xavf-xatarlarning oldini olish va ularni boshqarish mexanizmlarini takomillashtirish, ilmiy bilim va ilg‘or tajriba almashinuvini kengaytirish nazarda tutilgan.
O‘zbekistonning 2027 yilda Xivada YUNЕSKO bilan hamkorlikda Globallashuv va iqlim o‘zgarishi sharoitida madaniy merosni asrash bo‘yicha xalqaro simpozium o‘tkazish haqidagi taklifi ma’qullangani asosiy natijalardan biri bo‘ldi.
Tadbir turli mamlakatlarning yetakchi mutaxassislari, xalqaro tashkilotlar, tadqiqot muassasalari va ekspertlar hamjamiyati vakillarini birlashtirishi kutilmoqda.
Ishtirokchilar madaniy obyektlarga bo‘lgan tahdidlarning oldini olish yo‘llari, zamonaviy texnologiyalarni qo‘llash, an’anaviy bilimlarni saqlab qolish va mutaxassislarning kasbiy salohiyatini oshirish masalalarini muhokama qiladi.
Simpozium yakunlari bo‘yicha milliy xususiyatlar va xalqaro tajribani inobatga olgan holda, madaniy merosni muhofaza qilish va boshqarish usullarini takomillashtirish yuzasidan amaliy tavsiyalar ishlab chiqish rejalashtirilgan.
O‘zbekiston tashabbusi qaror loyihasiga hammualliflik qilgan YUNЕSKOga a’zo 54 ta davlat tomonidan qo‘llab-quvvatlandi. Ular orasida Xitoy, Ispaniya, Gretsiya, Portugaliya, Turkiya, Qozog‘iston, Qirg‘iziston, Tojikiston, Ozarbayjon hamda Osiyo, Yevropa, Afrika va Lotin Amerikasining boshqa mamlakatlari bor.
Davlatlar vakillari taklifning dolzarbligi va YUNЕSKOning ustuvor yo‘nalishlariga to‘la mos kelishini qayd etdi. Ular iqlim o‘zgarishi va globallashuv bilan bog‘liq xavf-xatarlar barcha mamlakatlarga, ularning geografik joylashuvi va iqtisodiy rivojlanish darajasidan qat’i nazar, ta’sir ko‘rsatishi, shu bois hamjihatlikdagi xalqaro sa’y-harakatlarni talab etishini ta’kidladi.
Delegatsiyalar O‘zbekistonning Buyuk ipak yo‘lining tarixiy-madaniy markazlaridan biri bo‘lgan Xiva shahrida simpozium o‘tkazishga tayyorligini alohida olqishladi. Ularning fikricha, ushbu tadbirning o‘tkazilishi tajriba almashish, kasbiy aloqalarni rivojlantirish va birgalikda yechimlar ishlab chiqish uchun qo‘shimcha imkoniyatlar yaratadi.
2027 yilda Xivada bo‘lib o‘tadigan simpozium YUNЕSKO Bosh konferensiyasining Samarqandda o‘tkazilgan 43-sessiyasi doirasida boshlangan ishlarni davom ettirishi hamda global xavf-xatarlar sharoitida madaniy merosni himoya qilish bo‘yicha amaliy yondashuvlarni ishlab chiqish maydoniga aylanishi kutilmoqda.
O‘zbekiston musulmonlari idorasi Matbuot xizmati