Ramazon solnomasi
Bandalariga ro‘za tutishni farz qilgan Alloh taologa hamdu sanolar, Ro‘za amallarini go‘zal tarzda ado qilishda yo‘lboshchi bo‘lgan Sayyidimiz Muhammad sollallohu alayhi vasallamga salovot va salomlar bo‘lsin.
Albatta, Ramazon islomiy oylar ichida fazilatlarga boy va barakali oylardan hisoblanadi. Bu oyda hidoyat qo‘llanmasi bo‘lgan Qur’oni Karimning nozil bo‘lishi ham, bu oyning eng afzal oy ekaniga dalolat qiladi. Shuningdek, bu oyning fazilati va barkasi borasida Rasululloh sollallohu alayhi vasallamdan juda ko‘plab hadisi-shariflar rivoyat qilingan.
قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: إِذَا دَخَلَ رَمَضَانُ فُتِّحَتْ أَبْوَابُ الجَنَّةِ ، وَغُلِّقَتْ أَبْوَابُ جَهَنَّمَ ، وَسُلْسِلَتِ الشَّيَاطِينُ رواه البخاري (3277) ، ومسلم (1079).
Rosululloh sollallohu alayhi vasallam: «Ramazon oyi kelishi bilan jannat eshiklari ochilib, do‘zax eshiklari yopiladi va shaytonlar kishanlanadi» - dedilar. Muttafaqun a’layh.
Haqiqatda, Ramazon oyining fazilatlari va barakotlari juda ham ko‘p. Bu borada juda ko‘p mavi’zalarda eshitib, ko‘plab maqolalar orqali xabardor bo‘lganmiz. Lekin, bugun e’tiborimizni boshqa tomonga qaratamiz. Ya’ni, bu oyning fazilatlari ko‘p bo‘lish bilan birga, tarixda bu ulug‘ kunda juda ko‘plab muhim tarixiy voqealar bo‘lib o‘tgan. Quyida ularni birma- bir sanab o‘tamiz.
Ramazonning birinchi kuni:
1) 2-hijriy yil Dushanba. Musulmonlar birinchi marta ramazon ro‘zasini tutdilar.
2) Ibrohim alayhissalomga ilohiy sahifalar tusha boshlagan.
3) Hijriy 73-yil. Abdulloh ibn Umar roziyallohu anhu vafot etdilar.
4) Hijriy 91- yil. Andalusni fath qilish boshlangan.
5) Hijriy 472- yil. Abu Ali ibn Sino vafot etdi.
Ramazonning ikkinchi kuni:
1) Hijriy 65-yil. Abdumalik ibn Marvon Umaviy xalifa etib tayinlandi.
Ramazonning uchinchi kuni:
1) Hijriy 11- yil. Fotimai Zahro roziyallohu anho vafot etdilar.
2) Hijriy 37- yil. Tahkim voqeasi bo‘lib o‘tdi.
Ramazonning to‘rtinchi kuni:
1) Hijriy 1- yil. Hamza roziyallohu anhu birinchi sariyaga chiqdilar.
2) Hijriy 666 - yil. Antokiya Slavyanlardan qaytarib olindi.
Ramazonning oltinchi kuni:
1) Muso alayhissalomga Tavrot sahifalari tusha boshladi.
2) Hijriy 63- yil. Musulmonlar Sind shahrini fath qildilar.
Ramazonning yettinchi kuni:
1) Hijriy 361- yil. Al-Azhar universiteti ochildi.
Ramazonning sakkizinchi kuni:
1) Hijriy 273- yil. Ibn Moja rohimahulloh vafot etdilar.
2) Hijriy 455- yil. Alp Arslon Saljuqiylar voliysi etib tayinlandi.
Ramazonning o‘ninchi kuni:
1) Payg‘ambarlikning 10-yili, hijratdan 3 yil avval. Xadiyja roziyallohu anhu vafot etdilar.
2) Hijriy 485-yil. Nizomul mulk Abul Hasan Aliy ibn Ishoq o‘ldirildi.
Ramazonning o‘n birinchi kuni:
1) Hijriy 3-yil. Rosululloh sollallohu alayhi vasallam Zaynab binti Xuzayma roziyallohu anhoga uylandilar.
2) Hijriy 9-yil. Saqif qabilasi elchilari Rosululloh sollallohu alayhi vasallam huzurlarida bo‘ldi.
3) Hijriy 95- yil. Sai’d ibn Jubayr vafot etdilar.
4) Hijriy 624- yil. Chingizxon vafot etgan.
5) Hijriy 922- yil. Sulton Salim Damashqni fath qildi.
Ramazonning o‘n ikkinchi kuni:
1) Hijriy 597- yil. Ibn Javziy rohimahulloh vafot etdilar.
Ramazonning o‘n uchinchi kuni:
1) Hijriy 15-yil. Umar roziyallohu anhu Shomni egalladilar
2) Hijriy 40- yil. Abu Luboba roziyallohu anhu vafot etdilar.
Ramazonning o‘n to‘rtinchi kuni:
1) Hijriy 132-yil. Abbosiylar Umaviylar poytaxti Damashqqa hujum qilishdi.
2) Hijriy 612- yil. Ibn Atoulloh Sakandariy tavallud topdilar.
Ramazonning o‘n beshinchi kuni:
1) Hijriy 3-yil. Hasan ibn Aliy roziyallohu anhu dunyoga keldilar.
2) Hijriy 37-yil. Muhammad ibn Abu Bakr roziyallohu anhu Misrga voliy etib tayinlandilar.
3) Hijriy 383- yil. Abu Bakr Xorazmiy vafot etdilar.
4) Hijriy 543- yil. Fahriddin ar-Roziy dunyoga keldilar.
Ramazonning o‘n yettinchi kuni:
1) Hijriy 2-yil. Katta Badr g‘azoti bo‘lib o‘tdi.
2) Hijriy 2-yil. Ruqayya (roziyallohu anho) binti Rosululloh sollallohu alayhi vasallam vafot etdilar.
3) Hijriy 85-yil. Mo‘minlar onasi Oyisha roziyallohu anho vafot etdilar.
4) Hijriy 124- yil. Muhammad ibn Muslim az-Zuhriy vafot etdilar.
Ramazonning o‘n sakkizinchi kuni:
1) Hijriy 21- yil. Xolid ibn Valid vafot etdilar.
2) Hijriy 560- yil. Muhyiddin ibn Arabiy dunyoga keldi.
Ramazonning yigirmanchi kuni:
1) Hijriy 8-yil Makka fath qilindi.
2) Hijriy 652- yil. Sayfuddin Qutuz dunyoga keldilar.
Ramazonning yigirma birinchi kuni:
1) Hijriy 40- yil. Aliy ibn Abu Tolib roziyallohu anhu vafot etdilar.
2) Hijriy 95- yil. Hajjoj ibn Yusuf as-Saqofiy dunyoga keldi.
3) Hijriy 1353- yil. Fors yurti Eron davlati deb o‘zgartirildi.
Ramazonning yigirma uchinchi kuni:
1) Hijriy 9-yil Musulmonlar «Lot» nomli butni buzib tashlashdi.
2) Hijriy 26- yil. Yazid ibn Muoviya tug‘ildi.
Ramazonning yigirma to‘rtinchi kuni:
1) Hijriy 20- yil. Amr ibn Os masjidini qurish boshlandi.
Ramazonning yigirma beshinchi kuni:
1) Hijriy 8-yil. Xolid ibn Valid roziyallohu anhu «Uzzo» nomli ibodatxonani buzib tashladilar.
2) Hijriy 129-yil. Abu Muslim Xurosoniy Umaviylarga qarshi qo‘zg‘olon boshladi.
3) Hijriy 544- yil. Faxruddin ar-Roziy tavallud topdilar.
4) Hijriy 658- yil. «Ayni jolut» jangi bo‘lib o‘tdi.
Ramazonning yigirma oltinchi kuni:
1) Hijriy 762- yil. Badruddin Ayniy rohimahulloh dunyoga keldilar.
Ramazonning yigirma yettinchi kuni:
1) Hijriy 927- yil. Belgrad fath etildi.
Ramazonning yigirma sakkizinchi kuni:
1) Hijriy 2-yil. Zakot farz bo‘ldi.
Ramazonning yigirma to‘qqizinchi kuni:
1) Hijriy 1425- yil. Yosir Arafot vafot etdi.
Ramazonning o‘ttizinchi kuni:
1) Hijriy 256- yil. Imom Buxoriy vafot etdilar.
2) Hijriy 384- yil. Imom ibn Hazm dunyoga keldilar.
Muhammad Ali Muhyiddin.
DANGASALIKning eng katta 100 ta salbiy OQIBATI
ULUG‘ USTOZ ULAMOLARIMIZ bayon qilib berganlar:
DONO XALQIMIZ MAQOLLARI:
- «Dangasadan Xudo bezor»;
- «Dangasaga ish buyursang, senga aql o‘rgatur»;
- «Yaxshi bilan yursang – yetarsan murodga,
Yomon bilan yursang – qolarsan uyatga».
QUR’ONI KARIM OYATI KARIMALARI va
MUBORAK HADISI SHARIFLARga asosan
ulamolarimiz ko‘rsatib bergan
DANGASALIKning eng katta 100 ta salbiy OQIBATI:
- Vaqt zoye ketadi.
- Orzular amalga oshmay qoladi.
- Imkoniyatlar qo‘ldan ketadi.
- Qarzdorlikka sabab bo‘lishi mumkin.
- Kambag‘allikka olib kelishi mumkin.
- Ishlar orqaga surilaveradi.
- Rizq barakasini kamaytiradi.
- Atrofdagilar hurmatini kamaytiradi.
- Oilaviy muammolarni ko‘paytiradi.
- Ishonchli inson sifatida ko‘rinmaslikka olib keladi.
- Boshqalarga yuk bo‘lib qolishga sabab bo‘ladi.
- Muvaffaqiyatdan uzoqlashtiradi.
- Boshqalarga qaramlikni oshiradi.
- Har ishni ertaga qoldirish odat bo‘ladi.
- Ortiqcha uxlashga o‘rgatadi.
- Sog‘liqqa salbiy ta’sir qiladi.
- Tanani zaiflashtiradi.
- Jismoniy ojizlikni kuchaytiradi.
- Xotiraga salbiy ta’sir qiladi.
- Inson o‘z kuchiga ishonmay qo‘yadi.
- Tartibsiz hayot paydo bo‘ladi.
- Afsuslar soni ortib boradi.
- Har bir ishni og‘ir qilib ko‘rsatadi.
- Ishni yarim yo‘lda tashlashga o‘rgatadi.
- Qo‘rqoqlikni kuchaytiradi.
- Mas’uliyat hissi pasayadi.
- Irodani zaiflashtiradi.
- Qaror qabul qilish qiyinlashadi.
- O‘qish va ilmda ortda qoldiradi.
- Kasbda o‘sishni to‘xtatadi.
- Maqsadsizlikni kuchaytiradi.
- Ruhiy tushkunlikni kuchaytiradi.
- O‘zini ayblashni ko‘paytiradi.
- Insonni befarq qilib qo‘yadi.
- Vaqt qadrini yo‘qottiradi.
- Ishonchni pasaytiradi.
- Ibodatda sustlik paydo qiladi.
- Namozga beparvolik keltiradi.
- Harakatdan sovutadi.
- Sabrni kamaytiradi.
- Intizomni yo‘qotadi.
- Ish sifati pasayadi.
- Diqqatni susaytiradi.
- Ilhomni yo‘qotadi.
- Ijodkorlikni kamaytiradi.
- Ortiqcha qo‘rquv uyg‘otadi.
- O‘zgarishdan qochishga o‘rgatadi.
- Qanoatsizlikni kuchaytiradi.
- Hasadni oshirishi mumkin.
- Birovning yutug‘ini ko‘ra olmaslikka olib keladi.
- Harakatchan insonlarga nisbatan ichki norozilik tug‘diradi.
- Ortiqcha vaznga sabab bo‘lishi mumkin.
- Ruhiy charchoqni oshiradi.
- Kun tartibini buzadi.
- Rejasizlikni kuchaytiradi.
- Fursatlarni yo‘qottiradi.
- Maqsadlarga yetishishni sekinlashtiradi.
- O‘ziga bo‘lgan hurmatni kamaytiradi.
- Ichki kuchni susaytiradi.
- Javobgarlikdan qochishga o‘rgatadi.
- Muhim ishlarni kechiktiradi.
- Ko‘p uzr so‘rashga o‘rgatadi.
- Irodasizlikni kuchaytiradi.
- Hayotda tartibsizlik keltiradi.
- Qalbda umidsizlik paydo qiladi.
- Mehnat zavqini yo‘qotadi.
- Yaxshi odatlarni buzadi.
- Yomon odatlarga yo‘l ochadi.
- O‘zini rivojlantirishni to‘xtatadi.
- Kitob o‘qishdan sovutadi.
- Ilm olishga qiziqishni pasaytiradi.
- Tez zerikishga olib keladi.
- Qarorsizlikni kuchaytiradi.
- Faol insonlardan uzoqlashtiradi.
- Befoyda mashg‘ulotlarni ko‘paytirib yuboradi.
- Insonni sust tabiatli qilib qo‘yadi.
- O‘z imkoniyatini ocholmaslikka sabab bo‘ladi.
- Alloh bergan ne’matlarni ishlatmaslikka olib keladi.
- Quvonchni kamaytiradi.
- Baxt hissini pasaytiradi.
- Muvaffaqiyat lazzatini tatimay qoldiradi.
- Jamiyat uchun foydani kamaytiradi.
- Qalbda pushaymonlik to‘playdi.
- Har kunini samarasiz o‘tkazadi.
- Vaqtni his qilmaslikka olib keladi.
- Kelajakdan xavotirni oshiradi.
- Har bir ishga erinch bilan qarashni o‘rgatadi.
- Ijtimoiy tarmoqlarga ortiqcha bog‘lab qo‘yadi.
- Ota-ona ishonchini yo‘qotishi mumkin.
- Rahbarlar nazdida qadrni tushiradi.
- Do‘stlar ishonchini kamaytiradi.
- Boshlangan ishlarni tugallamaslikka odatlantiradi.
- Va’dada turmaslikka olib keladi.
- Kechikishlarni ko‘paytiradi.
- Ko‘p shikoyat qilishga o‘rgatadi.
- Qalbni qattiqlashtiradi.
- Nafsni kuchaytiradi.
- Hayot sifatini pasaytiradi.
- Dunyo va oxirat uchun zarar keltirishi mumkin.
- Shayton vasvasasiga moyil qiladi.
ILOHO MЕHRIBON PARVARDIGORIMIZ O‘ZI buyurgan,
Janobi PAYG‘AMBARIMIZ SALLALLOHU ALAYHI VASALLAM tavsiya etgan,
o‘tmishda O‘TGANLARIMIZNING ruhlari shod bo‘ladigan,
XALQIMIZ xursand bo‘ladigan,
OTA-ONALARIMIZ rozi bo‘ladigan yo‘llardan yurishimizni nasib etsin!
Ibrohimjon domla Inomov
