Sayt test holatida ishlamoqda!
24 Iyun, 2025   |   28 Zulhijja, 1446

Toshkent shahri
Tong
03:05
Quyosh
04:51
Peshin
12:31
Asr
17:41
Shom
20:03
Xufton
21:42
Bismillah
24 Iyun, 2025, 28 Zulhijja, 1446

“Ramazon – Kur’on oyi” - Oli Imron surasi fazilatlari

04.05.2020   6377   2 min.
“Ramazon – Kur’on oyi” - Oli Imron surasi fazilatlari

 

Oli Imron Imronning oilasi degani. Imron – Maryamning otasi (Iso alayhissalomning bobosi). Bu surada Imron, uning oilasi haqidagi qissa zikr etilgan. Shuning uchun sura “Oli Imron” deb nomlangan.

Mazkur surada Badr, Uhud janglari, Iso alayhissalom qissasi, Allohga shirk keltirishning eng katta gunohligi, shariat ahkomlari bayon qilingan.

Rasululloh sollallohu alayhi vasallam: “Qur’on o‘qinglar. Chunki u qiyomat kuni o‘z ahliga shafoatchi bo‘ladi. Ikki yorituvchi nur – Baqara bilan Oli Imron surasini o‘qinglar. Ikkisi qiyomat kuni ikki bulut yoki ikki soyabon yoki bir guruh saf-saf qushlar shaklida kelib sohiblari hojatini chiqaradi. Baqara surasini o‘qinglar. Uni olish (o‘qish, yod olish, amal qilish) baraka, tark etish hasratdir. Unga sehrgarlar qodir bo‘la olmaydi”, deganlar (Imom Muslim, Imom Dorimiy, Imom Ahmad, Imom Hokim, Imom Ibn Hibbon rivoyati).

Ulamolar aytishicha, mana shu ikki suradan hosil bo‘lgan ajr-savob qiyomat kuni bulut shaklida kelib bandaga soyabon bo‘ladi.

Abdulloh ibn Burayda otasidan rivoyat qiladi: “Nabiy sollallohu alayhi va sallam huzurlarida o‘tirgandim. U zot: “Baqara va Oli Imron suralarini o‘rganinglar. Chunki ikkisi yorituvchi nurdir. Ular qiyomat kuni soyali bulut yoki saf-saf qush bo‘lib kelib egalarini soyasiga oladi”, dedilar”.

Yazid ibn Asvad aytadilar: “Kim kunduzi Baqara va Oli Imron surasini o‘qisa, kech kirguncha nifoqdan salomat bo‘ladi. Kim ularni kechasi o‘qisa, tong otguncha nifoqdan saqlanadi”.

Ka’b ibn Molikdan rivoyat qilinadi: “Kim Baqara va Oli Imron suralarini o‘qisa, ikkisi qiyomat kuni kelib: “Parvardigoro, bu (banda) uchun (azob-uqubatga) yo‘l yo‘q!” deydi.

 

Rasululloh sollallohu alayhi vasallam: “Kim juma kuni Oli Imron surasini o‘qisa, Alloh va farishtalari kun botgunicha unga salavot aytadilar”, deganlar (Imom Tabaroniy rivoyati).

Ramazon-2020
Boshqa maqolalar

Ilmiy kengashning navbatdagi yig‘ilishi bo‘lib o‘tmoqda

23.06.2025   3570   1 min.
Ilmiy kengashning navbatdagi yig‘ilishi bo‘lib o‘tmoqda

Yig‘ilish avvalida Xalqaro turkiy madaniyat tashkiloti (TURKSOY) Bosh kotibi Sulton Rayev Markaz rahbari Firdavs Abduxoliqov hamrohligida Islom sivilizatsiyasi markazi binosi va majmuaning ikkinchi qavatida joylashgan xalqaro tashkilotlar uchun ajratilgan maxsus joy bilan tanishdi. 
 

Markazda davom etayotgan yig‘ilish doirasida esa TURKSOY va Markaz o‘rtasida hamkorlik memorandumi imzolandi.
 

Ilmiy kengash a’zolari, ishchi guruh rahbarlari, xalqaro hamkor mutaxassislar va loyihalar ijrochilari ishtirokida o‘tkazilayotgan yig‘ilish doirasida Markaz ekspozitsiyasini boyitish bo‘yicha masalalar muhokama qilinmoqda.


Islom sivilizatsiyasi markazi Axborot xizmati

Ilmiy kengashning navbatdagi yig‘ilishi bo‘lib o‘tmoqda Ilmiy kengashning navbatdagi yig‘ilishi bo‘lib o‘tmoqda Ilmiy kengashning navbatdagi yig‘ilishi bo‘lib o‘tmoqda