Sayt test holatida ishlamoqda!
26 Iyul, 2025   |   1 Safar, 1447
search icon
Avvalgi sayt
ЎЗ РУ EN AR

Toshkent shahri
Tong
03:36
Quyosh
05:13
Peshin
12:35
Asr
17:36
Shom
19:50
Xufton
21:19
Bismillah
26 Iyul, 2025, 1 Safar, 1447
Avvalgi sayt
#search
 YouTube

TANLOV: OYLAR SULTONI – RAMAZON!

29.04.2020   2708   1 min.
TANLOV: OYLAR SULTONI – RAMAZON!

Xalqimizning ilmu ma’rifatini oshirish yo‘lida Ramazon oyining fazilatlarini keng tarannum etish, rahmat va mag‘firat oyi ekanini yetkazish hamda karantin sharoitida muxlislarimizni uyda ijod qilishga rag‘batlantirish maqsadida, Muslim.uz saytida “Oylar sultoni – Ramazon!” nomli maqolalar tanlovi e’lon qilindi.

❗️Tanlov 2020 yil 29 apreldan 23 maygacha davom etadi.

Tanlovga yuboriladigan maqolalar ramazon_tanlov2020@mail.ru elektron pochtasi yoki telegram messenjerida ochilgan @Ramazon_2020_bot orqali jo‘natiladi.

 

❗️ Yuborilayotgan maqolalarga quyidagi shartlar qo‘yiladi:

? ro‘zaning foydalari, uning ruhiy tarbiyaga oid jihatlari, hayotiy hikmatlari va mehr-oqibat hamda saxovatli bo‘lishga rag‘bat uyg‘otish;

? muborak oyni hozirgi epidemiya sharoitida uyda o‘tkazish, ilm-ma’rifatni boyitish bilan shug‘ullanish hamda yordamga muhtoj insonlarga xayru ehson qilishning fazilatlarini keng targ‘ib etish;

? hadislar va rivoyatlar sahihligiga e’tibor qaratish, uydirma ma’lumotlardan saqlanash;

? internet nashrlarida ko‘p e’lon qilingan maqolalarga o‘xshash bo‘lmasligi, yangicha yondashuvga ega bo‘lishiga alohida e’tibor qaratish;

? uslubiy va imlo xatolarsiz hamda yuqori saviyada tahrir qilingan bo‘lishi;

? internet yoki boshqa nashrlarda e’lon qilingan maqolalardan ko‘chirilgan materiallar tanlovda ishtirok etmaydi;

? Yuqoridagi shartlarga javob bergan maqolalar Muslim.uz portalida "Tanlovga!" degan yozuv ostida e’lon qilinadi.

 

Tanlov g‘oliblariga quyidagi mukofotlar topshiriladi:
3-o‘ringa – Smartfon.
2-o‘ringa – Planshet.
1-o‘ringa – Noutbuk.

Shuningdek, 7 nafar yuqori ball olgan ishtirokchilarga rag‘batlantiruvchi mukofot – kitoblar jamlanmasi taqdim etiladi.

? Barcha qalami o‘tkir ijodkorlarni karantin davrida tanlovda faol ishtirok etib, uydagi vaqtlarini mazmunli o‘tkazish va mukofotlarga sazovor bo‘lishga chorlaymiz.

 

O‘zbekiston musulmonlari idorasi Matbuot xizmati


O'zbekiston yangiliklari
Boshqa maqolalar

Hazrati inson bo‘ling!..

22.07.2025   6979   2 min.
Hazrati inson bo‘ling!..

Mashina yo‘liga chiqib ketgan odamni ko‘rib haydovchi zo‘rg‘a to‘xtatib qoldi. Undan ham oldin yonidagi do‘sti tushasolib yo‘lovchining yoqasidan oldi. Uzr so‘rab dovdirayotgan odamni ko‘rib, haydovchi tez tushdi-da, do‘stidan uning yoqasini qo‘yib yuborishini so‘radi.


– Bu nima deganing?! Sal bo‘lmasa qamalib ketarding-ku buni deb, – yanada jahli chiqdi do‘stining.


– Sen uni qo‘yib yuboraver, gap bor... Bo‘ldi, aka, hushyor bo‘lib yetib oling... Yo‘q, shoshmang...


Haydovchi hatto u odamning qo‘liga pul ham berdi. Do‘stini hayron qoldirib, mashinaga qaytdi.


Do‘stining savol nazari bilan qarab turganini ko‘rib, izoh bera boshladi:

– Bir soatcha oldin dorixonaga kirgandim. Shu odamga ko‘zim tushgandi. Qo‘lida dorilar ro‘yxati yozilgan qog‘oz, puli yetmaganidan mung‘ayib turgan edi. Dorilar narxini eshitib, og‘ir qadamlar bilan chiqib ketgandi. Ortidan chiqib yordam bergim keldi. Lekin pulimni qizg‘ondim. Tashqariga chiqqanimda u onasi bilan gaplashib turgan ekan. Haligi odam onasi bilan gaplashib bo‘lgach: “Shuncha pulni qayerdan topaman? Yo Alloh! O‘zing yo‘l ko‘rsat, deganini eshitib ham indamay ketaverdim. Go‘yo unga pul bersam o‘zim och qoladiganday... Holbuki, Alloh taolo O‘z Kalomida: “Shayton sizlarni (xayr-ehson qilishda) kambag‘al bo‘lib qolishdan qo‘rqitadi” (Baqara surasi, 268-oyat) deya ogohlantirganini bilardim. Yana “Kimki (bir) hasana (savobli ish) qilsa, unga o‘n barobar (ko‘paytirib yozilur)” (An’om surasi, 160-oyat) degan va’dasini ham o‘qigandim. Baribir xomlik qildim. Sal bo‘lmasa o‘sha xasislik qilgan pulimdan o‘n, yuz hissasi chiqib ketadigan bir musibatga duchor bo‘lardim. Mayli, hechdan ko‘ra kech bo‘lsa ham, Alloh imkon berdi. Shuning uchun ayb u odamdamas, o‘zimda, deb bildim...


Ha, azizlar! Hayotimizda bunday holatlarga duch kelib turamiz. Avvalo, birov bilan tushunmovchilik bo‘lib qolsa u odamning ahvolini so‘raylik. Balki biror musibat yo tashvishda yurgandir. Darhol tilimizga kelgan so‘zlar bilan xaqorat qilib, urishib ketmaylik. Bunaqa vaziyatlarda shayton vasvasa qilishini unutmaylik. Xulosa qilishga shoshilmaylik. Hazrati inson degan nomga munosib ish tutaylik.


Akbarshoh Rasulov