O`zbekiston musulmonlari idorasi

DOLZARB SAVOLGA ANIQ JAVOB: Shom namozini o‘qishdan oldin og‘iz ochiladimi yoki namozdan so‘ngmi?

29.04.2020 3399 1 min.

JAVOB: Dinimizda og‘iz ochishni qasddan Shom namozidan keyinga surish sunnatga xilofdir. Chunki Rasululloh sollallohu alayhi vasallam odatda avval og‘iz ochib, keyin shom namozini ado etar edilar. Demak, ro‘zador og‘zini ochib, chanqog‘ini qondirib olgandan keyin shom namozini ado etishga kirishishi maqsadga muvofiq.

Iftorni tezlatish afzalligi borasida hadisi sharifda shunday deyilgan: Sahl ibn Sa’d roziyallohu anhudan rivoyat qilingan hadisda Rasululloh sollallohu alayhi vasallam: “Insonlar og‘iz ochishni tezlashtirsalar, yaxshilikda bardavom bo‘ladilar”, deganlar.

CAVOL: Qazosi bor kishi nafl ro‘za tutishi mumkinmi?

JAVOB: Ramazon ro‘zasidan qazosi bor kishining nafl ro‘za tutishi haqida Alouddin Kosoniy “Badoius sanoi’“ kitobida shunday deydi: “Ramazon ro‘zasidan qazosi bo‘lgan kishi nafl ro‘za tutishi makruh bo‘lmaydi“.

Mazkur kitobning boshqa bir o‘rnida shunday deyilgan: “Qazoni o‘tab berish haqidagi buyruq muayyan vaqtda vojib bo‘lmaydi, balki mutlaq vaqtda (ya’ni, banda imkon topgan) vojib bo‘ladi”.

Shunga binoan Ramazon ro‘zasidan qarzi bor kishi qazosini tutmay turib ham nafl ro‘za tutishi mumkin. Vallohu a’lam.

Savollarga O‘zbekiston musulmonlari idorasi Fatvo bo‘limi mutaxassisi Hikmatulloh Toshtemirov javob berdi.

Muhayyo Toshqorayeva tayyorladi, O‘zA

Manba: http://uza.uz

Ramazon-2020

05 Iyul, 2025, 10 Muharram, 1447

Avvalgi sayt

DOLZARB SAVOLGA ANIQ JAVOB: Shom namozini o‘qishdan oldin og‘iz ochiladimi yoki namozdan so‘ngmi?

MА`LUMOTNI IJTIMOIY TАRMOQLАRDА ULАSHING

Har bir eshikda farishtalar turadi

MА`LUMOTNI IJTIMOIY TАRMOQLАRDА ULАSHING