Ramazonning boshqa oylardan farqi nimada?
- Bu oyda Qur’oni karim nozil bo‘lgan;
- Bu oyda (shu bois) xatmi Qur’on qilinadi;
- Bu oyda Allohning rahmati yog‘iladi;
- Bu oyda musulmonlar ro‘zador bo‘ladilar;
- Bu oyda ming oydan afzal bo‘lgan qadr kechasi bor;
- Ramazon oyi sabr oyi;
- Duolar mustajob bo‘ladigan oy;
- Ro‘za tutish sabab taqvo hosil qilinadi;
- Ro‘za insonga nafsni tiyishni o‘rgatadi;
- Ro‘za tufayli inson ruhiyati poklanadi;
- Ro‘za tufayli inson tani poklanadi;
- Ro‘zadorning tili g‘iybat, buhton,chaqimchilik kabi gunohlardan tiyiladi;
- Ro‘zadorda riyo bo‘lmaydi;
- Uning qulog‘i bu oyda gunohlarni “eshitmaydi”;
- Uning ko‘zlari gunoh narsalarni “ko‘rmaydi”;
- Ro‘zadorning qo‘llari gunoh ishlarni qilmaydi;
- Uning oyoqlari gunoh joylarga bormaydi;
- Ro‘zador saharlik qilib barakaga erishadi;
- Ro‘zadorning og‘zidan keladigan hid Alloh taoloning nazdida mushki anbardan ham xushbuyroq bo‘ladi;
- Ro‘za qalbni kamtarin, tavozeli qiladi;
- Bu oy tavbalar qabul bo‘luvchi oy hisoblanadi;
- Bu oy mag‘firat oyidir;
- Jannat eshiklari ochib qo‘yilgan oydir;
- Do‘zax eshiklari yopib qo‘yilgan oydir;
- Shaytonlarga kishan solib qo‘yilgan oydir;
- Ramazon – bandani Allohga eng yaqin qiladigan oy;
- Bu oy – saxovat oyi;
- Bu oyda qilingan yaxshiliklar savobi o‘n baravardan yettiyuz baravargacha ko‘paytirib yoziladi;
- Ramazon – sadaqa va ehsonlar qilinadigan oy;
- Muhtojlarga yordam qo‘li cho‘ziladigan oy;
- Bu oyda zakot berib, haqdorlar xursand qilinadi;
- Fitr sadaqasi berilib, miskinlar duosi olinadi;
- Zakot beruvchi kishining moli poklanadi;
- Zakot beruvchining moliga baraka kiradi;
- Boy bilan kambag‘al o‘rtasidagi gina, adovat yo‘qoladi;
- Qarindosh-urug‘chilik aloqalari mustahkamlanadi;
- Ro‘zaning mukofotini Allohning O‘zi beradi, ya’ni ro‘zadorga beriladigan savob va yaxshiliklar miqdorini Allohdan boshqa hech kim bilmaydi;
- Ro‘zador Rayyon nomli eshikdan jannatga kiradi.
Ibodulloh Ahrorov
Toshkent islom instituti o‘qituvchisi.
Muftiy hazrat anjumanda oila mustahkamligi va farzand tarbiyasiga oid muhim tashabbuslarni ilgari surdilar
Qohira shahrida bo‘lib o‘tayotgan anjuman asosiy qismida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ma’ruza qildilar. Shuningdek, Misr muftiysi Nazir Muhammad Ayyod, Misr Vaqflar vaziri Usoma Azhariy, Xalqaro Islom fiqhi akademiyasi bosh kotibi doktor Qutb Mustafo Sano, Al-Azhar shayxi vakili Shayx Ayman Abdulg‘aniy, Musulmon olami uyushmasi Bosh kotibi o‘rinbosari doktor Abdurrahmon ibn Abdulloh az-Zayd va Abu-Dabi Islom ishlari raisi, doktor Umar Habtur ad-Dari’iy kabilar nutq qildilar.
Muftiy hazratlari muhokama qilinayotgan oila, ayollar huquqi va farzand tarbiyasi masalasi g‘oyat dolzarb ekaniga urg‘u qaratdilar. Xususan, turli mintaqalarda oila instituti inqirozga yuz tutayotgani, yoshlarning oila qurishga qiziqishi pasayib, ajrashishlar soni ortib borayotgani jiddiy xavotir uyg‘otayotgani ta’kidlandi. Qayd etilishicha, bu sinov butun insoniyat oldida turgan umumbashariy muammoga aylanmoqda.
Shu munosabat bilan Muftiy hazratlari tomonidan bir qator dolzarb takliflar ilgari surildi:
– Qo‘shma fatvo ishlab chiqish: ilmiy asoslangan hamda ilg‘or tajribalarni o‘zida jamlagan qo‘shma fatvo ishlab chiqish zarurligi ma’lum qilindi. Ushbu hujjatni turli tillarga tarjima qilib, OAV, raqamli platformalar, ma’rifiy tadbirlar va juma xutbalari orqali keng jamoatchilikka yetkazish ta’kidlandi.
– Yoshlarni oilaga tayyorlash dasturlari: turmush qurish ostonasida turgan yoshlarning diniy, milliy va ijtimoiy mas’uliyatini yuksaltirishga qaratilgan maxsus kurslar va psixologik-ma’rifiy maslahat dasturlarini yo‘lga qo‘yish taklif etildi.
– Fatvo markazlari va OAV hamkorligi: milliy qadriyatlar va islomiy ta’limotlarni yoshlarga zamonaviy, ta’sirchan usullarda yetkazish uchun fatvo markazlari bilan OAV o‘rtasidagi hamkorlik lozimligiga e’tibor qaratildi.
Shu o‘rinda, O‘zbekistonda mazkur yo‘nalishlarda amalga oshirilayotgan tizimli islohotlar ham bayon qilindi.
Xalqaro anjuman ishtirokchilari Muftiy hazratlari tomonidan ilgari surilgan takliflarni qo‘llab-quvvatlab, yurtimizda diniy-ma’rifiy sohada amalga oshirilayotgan islohotlar, oila institutini mustahkamlash borasidagi ishlarga yuqori baho berdilar.
O‘zbekiston musulmonlari idorasi Matbuot xizmati
- «
- »