27 fevral kuni “Hadis va islom tarixi” fanlari kafedrasi tomonidan TII dagi 3 kurs talabalari o‘rtasida hadis musobaqasi bo‘lib o‘tdi. Unda quyidagi shartlar qo‘yildi.

• Muhaddislar hayoti va asarlari haqida;
• Mustalahul hadis bo‘yicha;
• Biletlardagi avvalgi qismi berilgan arabcha hadislarni yoddan davom etdirish;
• Sahna ko‘rinish.

Har bir shart bo‘yicha hakamlar hay’ati guruh ishtirokchilarining bergan javoblarini 10 balldan 50 ballgacha baholash tizimi asosida baholab bordi. Hakamlar hay’ati ishtirokchilarni baholab, tanlov yakunida eng yuqori ko‘rsatkichga ega bo‘lgan g‘olib guruhlar va sovrindorlar nomini e’lon qildi:

I o‘rin Buxoriy avlodlari

II o‘rin Temiziy avlodlari

III o‘rin Dorimiy avlodlari

Shuningdek, tanlovda ta’lim muassasi talabalaridan Umariddin Muhammad ibn Fattohning “Manzumatul Bayquniya” baytini yod olgan va viktarina savollariga javob berganlarga ham qimmatbaho sovg‘alar berildi. Yakunida katta ustozlardan M. Sayidaliyev va F. Mamanosirov va boshqa ustozlar talabalarga muhaddislar hayoti va asarlarini yanada chuqur o‘rganish va undagi ezgu g‘oyalarni hayot tarziga aylantish kerakligi haqida o‘zlarining samimiy fikrlarini bildirdi. Musobaqa ko‘tarinki ruhda o‘tdi.

TII matbuot xizmati