Ziyoratchilarga qulay sharoit qilish maqsadida Masjidun Nabaviyga 25 mingdan ortiq gilam to'shaldi, - deya xabar berdi“Saudi Press” agentligi.
“Arabnews” xabariga ko'ra, gilamlar masjid ichi, hovlilar va tomlariga yotqizilib, har kuni tozalanadi va toza va xushbo'y hid taratishi uchun eng yaxshi mushklar sepiladi.
Mazkur gilamlar chidamliligi va qalinligi bilan ajralib turadi. Har bir gilamga elektron chip o'rnatilgan bo'lib, uning joylashuvi, yuvish, tozalash, hushbo'ylik sepish va ko'chirish vaqtlari kuzatib boriladi.

O'zbekiston musulmonlari idorasi
Matbuot xizmati
Xabaringiz bor, O‘zbekiston musulmonlari idorasi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun qiroat darslari yo‘lga qo‘yilgan edi.
Shu munosabat bilan joriy yil 15 dekabr kuni Farg‘ona, Jizzax va Qashqadaryo viloyatlarida qiroat darslarining ilk mashg‘ulotlari bo‘lib o‘tdi.
"Qur’on va tajvidni o‘rgatish" va Masjidlar bilan ishlash bo‘limlari hamkorligida tashkil etilgan ushbu darslarda Abdulloh qori Haydarov Jizzax viloyatida, Abdusamad qori Mamasoliyev Qashqadaryo viloyatida va Abdulbosit qori Eshqobilov Farg‘ona viloyatida amaliy mashg‘ulotlarni olib bormoqda.
O‘zbekiston musulmonlari idorasi
Matbuot xizmati