Tarovih shukuhi: Yunusobod tumanidagi Yunusobod masjidi
Toshkent shahar Yunusobod tumani "Yunusobod" jome masjidi mustabid tuzum davrida yopilib ketgan bo‘lgan. 1943 yilda Sobik Ittifoq hududidagi ayrim masjidlarni ochib ibodat qilishga ruxsat etilgan. Ana davrda, ya’ni 1943 yilda "Yunusobod" jome masjidi ham qayta ochilib, mahalla ko‘y hashar yo‘li bilan ta’mirlab ibodat qilishni boshlagan.
Hozirga kelib yurtimiz mustaqillikka erishganidan keyin 2005-2006 yillarda bu eski masjid butkul buzib tashlanib qaytadan qurilgan.
Joriy yil Ramazoni sharifga qadar "Yunusobod" jome masjidi "Vaqf" xayriya jamoat fondi ko‘magi, sahovatpesha insonlar yordami hamda hashar yo‘li qaytadan chiroyli qilib ta’mirlanib masjidning hamma joyiga yangi shinam gilamlar to‘shaldi. Bu qilingan ishlar masjid qavmi va namozxonlar uchun Ramazoni sharifda katta tuhfa bo‘ldi.
O‘MI Matbuot xizmati
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi
- «
- »